मोरङ । चिकित्सा शिक्षा आयोगले तोकेको भन्दा बढी शुल्क लिएको विरोधमा विद्यार्थीहरुले चक्काजाम गरेका छन् । विराटनगरस्थित नोवेल मेडिकल कलेजमा अध्ययरनत्त विद्यार्थीले कोशी राजमार्ग अन्तर्गत विराटनगरको कंचावारी सडक खण्डमा चक्काजाम गरेका हुन्।
नोवेल मेडिकल कलेजबाट ¥यालीसहित निस्किएको विद्यार्थीहरुको समूहले कंचनवारी सडकमा आएर चक्काजाम गरेका थिए । विद्यार्थीले सडकमा नै चक्का जाम गरेपछि सवारी साधान रोकिन पुगेको छ। विद्यार्थीले मेडिकल सञ्चालकलाई कार्वाही गर्नुपर्ने, मेडिकल माफिया मुर्दावाद जस्ता नारा लगाउँदै सडकमा नै कोणसभा गरेका छन् ।
नोवेल मेडिकल कलेजका विद्यार्थीहरुको आन्दोलनमा विभिन्न विद्यार्थी संगठनले पनि ऐक्यबद्धता जनाएका छन् । चिकित्सा सेवा आयोगले एमवीबीएस पढ्ने विद्यार्थीबाट अतिरिक्त शुल्क लिन नपाइने भनेपनि नोवेल मेडिकल कलेजले सो कलेजमा पढ्ने एक विद्यार्थीबाट अतिरिक्त शुल्क वापत ४ लाख बढी शुल्क माग गर्दै आएको छ। मेडिकल कलेजले अतिरिक्त शुल्क नबुझाउने विद्यार्थीलाई कक्षाकोठामा प्रवेश समेत दिएको छैन। विद्यार्थीहरुको प्रदर्शनपछि सवारी आवागमन रोकिन पुगेको छ । रातोपाटीबाट
