काठमाडौं । प्रमुख प्रतिपक्षी दल नेकपा (एमाले) को शुक्रबार ६१ जिल्लामा जिल्ला अधिवेशन सुरू भएको छ। एमाले अध्यक्ष अध्यक्ष केपी शर्मा ओलीले शुक्रबार भर्चुअल सम्बोधन गर्दै अधिवेशनको उद्घाटन गर्नुभएको छ । ओलीले भर्चुअल उद्घाटन गरे पनि जिल्ला–जिल्लामा भौतिक रूपमा कार्यक्रम आयोजना गरिएका छन्।
काभ्रेको धुलिखेलस्थित सामुदायिक खेल मैदानमा भइरहेको एमालेको जिल्ला अधिवेशनमा भने फरक दृश्य देखिएको छ । अधिवेशन स्थलमा एमालेका पोलिटब्युरो सदस्य एवं काभ्रे इन्चार्ज गोकुल बाँस्कोटाको डमी राखिएको छ । यसअघि एमालेका कार्यक्रमहरू अध्यक्ष केपी शर्मा ओलीका डमीहरू राख्ने गरिन्थ्यो।
धुलिखेलमा ओलीसहित पूर्वमन्त्री बाँस्कोटाको डमी राखिएको हो।तत्कालीन सञ्चार मन्त्री बाँस्कोटा अध्यक्ष ओलीका विश्वास पात्र हुन् । मन्त्री हुँदा ७० करोड घोटालाको आरोप लागेपछि उहाँले राजीनामा दिनुभएको थियो । बाँस्कोटा काभ्रेबाट प्रतिनिधि सभामा निर्वाचित सांसद हुनुहुन्छ । सेतोपाटीबाट
