ट्रक र मोटरसाईकल एकआपसमा ठोक्किदा ३ जनाको मृत्यु

दाङ । दाङमा मंगलवार राती भएको सवारी दुर्घटनामा परि तीन जनाको मृत्यु भएको छ। देउखुरी राप्ती गाउँपालिका वडा नम्बर ४ मौरिघाटमा ट्रक र मोटसाईकल ठोक्किदा मोटरसाईकलमा सवार तीन जनाको मृत्यु भएको जिल्ला प्रहरी कार्यालय दाङले जनाएको छ।

पूर्वबाट पश्चिम तर्फ जाँदै गरेको ना ५ ख ३३४४ नम्बरको ट्रक र पश्चिमबाट पूर्वतर्फ आउँदै गरेको रा ५ प ६७३३ नम्बरको मोटरसाईकल ठोक्किएका हुन्। दुर्घटनामा परि मोटरसाईकल चालक राप्ती गाउँपालिका वडा नम्बर ५ सिसहनीयाका मनोज गाहा, मोटरसाईकलमा सवार राप्ती गाउँपालिका २ का कसम पुन र राप्ती गाउँपालिका पिपरीका दिनेश घर्तीको मृत्यु भएको जिल्ला प्रहरी कार्यालय दाङका डिएसपी सुमित खड्काले जानकारी दिएका छन्। उनीहरुको घटनास्थलमै मृत्यु भएको पनि प्रहरीले जनाएको छ। nagariknews.nagariknetworkबाट साभार