संसद् छल्दै अध्यादेश ल्याउनु सधैँ गलत : गगन थापा

काठमाडौं । नेपाली कांग्रेसका युवा नेता गगन थापाले संसद् छल्दै अध्यादेश ल्याउनु गलत भएको बताउनुभएको छ । सामाजिक सञ्जालमा फेसबुकमा आफ्नो धारणा राख्दैँ यो कदम हिजो, आज र सधैँ गलत हुने बताउनुभएको छ।

थापाले फेसबुकमा लेख्नुभएको छ , ‘संसद अधिवेशन हठात् अन्य गरेर संसद छल्दै अध्यादेश ल्याउनु गलत । हिजो गलत, आज गलत, सधैँ गलत, जसले गरेपनि गलत ।’ उहाँले लेख्नुभएको छ , ‘हिजो ओलीले ल्याउँदा गलत भन्ने, त्यसको विरुद्धमा उभिने कसैलाई पनि आज समर्थन गर्ने हक छैन/हुँदैन। समर्थन गर्ने भए त्यतिबेला विरोध गरेकोमा सार्वजनिक माफी माग्नुपर्छ।’

नेता थापाले भनेका छन्, ‘सँगैमा गत वर्ष वैशाखमा यसरी नै संसद छल्दै अध्यादेश जारी गर्ने ओली सरकार, समर्थन गर्ने मण्डली वा अध्यादेशमा ल्याप्चे लगाउने राष्ट्रपति कसैलाई पनि आज यो अध्यादेशको विरोध गर्ने हक छैन/हुँदैन। विरोध गर्ने भए त्यतिबेला गल्ती गरेका थियौँ भनेर पहिला सार्वजनिक माफी माग्नुपर्छ।’नागरिक खबरबाट

तपाईको प्रतिक्रिया

सम्बन्धित समाचार