बेनी ।नेकपा माओवादी केन्द्र म्याग्दीको संयोजकमा युवा नेता रेशम जुग्जाली(सुविन) चयन हुनुभएको छ । माओवादी आन्दोलनका जुझारु युवा नेता जुग्जाली मालिका गाउँपालिका– ७ का वडा अध्यक्ष हुनुहुन्छ । माओवादीको पोखरामा मंगलबार सम्पन्न गण्डकी प्रदेश कमिटिको बैठकले जुग्जालीलाई जिल्ला संयोजकको जिम्मेवारी दिने निर्णय भएको छ।
जुग्जाली यस अघि जिल्ला संगठन कमिटिको सचिवालय सदस्य हुनुहुन्थ्यो । यसअघिका जिल्ला अध्यक्ष गोविन्द पौडेललाई इन्चार्जमा बढुवा हुनुभएको छ ।यस्तै , नेपाल राष्ट्रिय दलित मुक्ति मोर्चा गण्डकी प्रदेश इन्चार्जमा टेक बहादुर विश्वकर्मा र योङ्ग कम्युनिस्ट लिग नेपालको केन्द्रीय सदस्यमा नगेन्द्र केसी र पुनम खड्का चयन हुनुभएको जिल्ला इन्चार्ज गोविन्द पौडेलले बताउनुभयो ।
