श्रीमतीलाई अध्यक्ष बनाएर नयाँ पार्टी दर्ता गर्दै रेशम चौधरी

काठमाडौं । डिल्लीबजार कारागारमा रहेका सांसद रेशम चौधरीले नयाँ पार्टी गठन गर्ने हुनुभएको छ । चौधरीले सोमबार नागरिक उन्मुक्ति पार्टी गठन गर्न लाग्नुभएको हो। आफ्नै अध्यक्षतामा उक्त पार्टी गठन गर्न लागिएको भए पनि त्यो सम्भव नभएपछि चौधरीले आफ्नी श्रीमती श्रेष्ठ रञ्जिताको नाममा पार्टी गठन गर्ने हुनुभएको हो ।

रञ्जिताका अनुसार नागरिक उन्मुक्ति पार्टीको प्रस्तावित अध्यक्ष उहाँ हुनुहुन्छ । ुउहाँको नाममा पार्टी दर्ता गर्ने योजना छ, उहाँको नाममा नभए मेरो अध्यक्षतामा पार्टी दर्ता हुन्छ,’ श्रेष्ठले भन्नुभयो। नयाँ पार्टी दर्ता गर्न श्रेष्ठसहितको टोली सोमबार मध्याह्न भृकुटीमण्डपबाट झाँकीसहित निर्वाचन आयोगमा जाँदैछ । डिल्लीबजार कारागारका अनुसार चौधरीले पार्टी दर्ताका लागि आफैं निर्वाचन आयोग जान खोज्नुभएको थियो ।

उहाँले आइतबार कारागार व्यवस्थापन विभाग र निर्वाचन आयोगमा निवेदन दिनुभएको थियो । ुहामीले निवेदन पठाइदियौं तर निर्वाचन आयोगले केही रेस्पोन्स गरेको छैन, कारागार विभागले हुँदैन भनेर मौखिक रूपमा भनेको छ,’ डिल्लीबजार कारागारका जेलर वसन्तराज पुरीले भन्नुभयो । चौधरी टीकापुर घटनामा एसएसपी लक्ष्मण न्यौपानेसहितको हत्या आरोपमा जेलमा हुनुहुन्छ । उहाँले जेलबाटै चुनाव उठेर जित्नुभएको थियो।

पछि चौधरी राष्ट्रिय जनता पार्टीमा आवद्ध हुनुहुन्थ्यो । राष्ट्रिय जनता पार्टी फुटेर लोकतान्त्रिक समाजवादी पार्टी गठन भएपछि चौधरी सोही पार्टीमाहुनुहुन्थ्यो।तर, थरुहट आन्दोलन र बन्दी रिहाबारे सरकार, मधेसी दल कसैले पनि चासो नदेखाएपछि आफैं दल खोल्ने निर्णयमा पुग्नुभएको हो। ‘ठूला राजनीतिक दल, आफू आवद्ध मधेसवादी दलबाट केही पनि निकास निस्केन।

मधेसवादी दलले पनि कुनै पहल गरेको देखिएन। अब अरूको हातबाट हुन्न, अखण्ड सुदरपश्चिमको राजनीतिक मुद्दा बन्यो तर थारूको बनेन,’ श्रेष्ठले भन्नुभयो, ‘त्यसैले नयाँ दल स्थापना गरेर थारूहरूको पहिचान बनाउने, अरूको झोला नबोक्ने निष्कर्षसाथ पार्टी गठन गर्न लागिएको हो।’ संसदीय चुनाव हुने बेलामा चौधरी जेलमैहुनुहुन्थ्यो। त्यसबेला श्रीमतीलाई मनोनयन दर्ता गराउन दिइएको थियो। ुजेलमै रहेको व्यक्तिलाई चुनाव उठ्न दिने, तर जितेपछि प्रमाण–पत्र नदिइने, त्यस्तो खालको दलगत स्वार्थ राखियो,’ उहाँले भन्नुभयो, ‘अहिले पार्टी गठन गर्न खोज्दा पनि त्यसै गरिँदैछ।’ सेतोपाटीबाट

तपाईको प्रतिक्रिया

सम्बन्धित समाचार