आज फेरि क्यान र वायु सेवा सञ्चालकहरु वार्तामा बस्दै

काठमाडौँ । असन्तुष्ट वायु सेवा सञ्चालक संघ (आओन) र नेपाल नागरिक उड्यान प्राधिकरण (क्यान) बीच फेरि आज वार्ता हुने भएको छ । सो बारे रातोपाटीसँग कुरा दिँदै आओनका प्रवक्ता योगराज कँडेलले यसअघिको आन्दोलनका कार्यक्रम फिर्ता लिइएको र हवाई उडानसँगै क्यानसँगको वार्ता समेत जारी राख्ने सहमति भएको जानकारी दिनुभयो । ‘हामी ब्याक भएका होइनौं, सहमतिको पर्खाइमा हौं ।

सहमति जुट्न नसके पुनः आन्दोलनमा जान्छौं’ प्रवक्ता कँडेलले भन्नुभयो, ‘तर अहिलेलाई निर्वाध हवाई सेवा जारी राख्ने र वार्तालाई पनि जारी राख्ने सहमति क्यानसँग भएको छ ।’उसो त असार ५ गते एक सूचना जारी गर्दै क्यानले असार ७ गतेदेखि नै उपत्यका बाहिरका गन्तव्यमा जाने हवाई जहाज तथा हेलिकप्टरले सोही स्थानमा पार्किङ गर्नुपर्ने र भोलिपल्ट सोही स्थानबाट पहिलो उडान भर्नुपर्ने निर्णय गरेको थियो । क्यानको यस निर्णय विरुद्ध क्रुद्ध हवाई सेवा कम्पनीहरुले लगत्तै मंगलबार पत्रकार सम्मेलन गर्दै असार ८ गतेदेखि नै पूर्ण रुपमा हवाई सेवा अवरुद्ध पार्ने चेतावनी दिएका थिए ।

पार्किङको सवालसँगै अन्य शुल्कहरूमा समेत भारी वृद्धि गरिएको भन्दै सो सबै निर्णय फिर्ता लिन वायु सेवा सञ्चालकहरूले क्यानलाई २४ घण्टे अल्टिमेटम दिएका थिए । तर, हवाई कम्पनीहरुको यस्तो चेतावनी सार्वजनिक भएको २ घण्टा पनि नबित्दै यता क्यानले पुनः पत्रकार सम्मेलन गर्दै निर्देशन नमान्ने र आन्दोलनमा जाने हवाई कम्पनीहरुको दर्ता नै खारेज गर्ने सम्मको चेतावनी दियो । यसले आन्दोलित हवाई कम्पनीहरु खुम्चिन पुगे ।

सहमतिको नाममा राति ११ बजे पुनः क्यान र वायु सेवा संघबीच वार्ता भयो । सो वार्तामार्फत सहमतिका लागि हवाई उडान र वार्ता दुबै जारी राख्ने सहमति भएको प्रवक्ता कँडेलले बताउनुभयो । सोही निर्णय बमोजिम बुधबार दिउँसो १२ बजे पुनः बैठक बस्न लागिएको उहाँले बताउनुभयो । असन्तुष्ट हवाई कम्पनीहरुको पार्किङ सुविधासँगै बढाइएको यात्रु सेवा शुल्क, ल्याण्डिङ शुल्क, पार्किङ शुल्क, नेभिगेशन लगायतका सम्पूर्ण वृद्धि गरिएका शुल्कहरू फिर्ता हुनुपर्ने माग छ । आन्दोलित वायु सेवा सञ्चालक संघले क्यान समक्ष ५ बुँदे मागपत्र राखेको छ । रातोपाटीबाट

सम्बन्धित समाचार

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

आगामी निर्वाचनमा ३३ प्रतिशत महिला उम्मेदवार बनाउन भुसालको माग

काठमाडौँ । नेपाली काँग्रेसकी सांसद पुष्पा भुसालले आगामी संघ र प्रदेश सभाको निर्वाचनमा प्रत्येक्षतर्फ कम्तिमा ३३ प्रतिशत महिला उम्मेदवार बनाउन सरकारसँग माग गर्नुभएको छ। आईतबार प्रतिनिधिसभा बैठकको विशेष समयमा बोल्दै भुसालले प्रत्येक्ष…

thumbnail

समाज परिवर्तनका लागि विज्ञान प्रविधिको भूमिका महत्वपूर्ण : प्रधानमन्त्री देउवा

काठमाडौँ । प्रधानमन्त्री शेरबहादुर देउवाले मुलुकमा आयोजना गरिने विज्ञान तथा प्रविधि सम्मेलनले राष्ट्र विकासमा रचनात्मक भूमिका निर्वाह गर्ने बताउनुभएको छ । उहाँले मुलुकमा विज्ञान र प्रविधिको विकास र विस्तारसम्बन्धी यस्ता गतिविधिले देशको…