काठमाडौं । ‘राष्ट्रिय अनुसन्धानको इन्स्पेक्टर हुँ’ भनेर हिँड्ने युवकलाई प्रहरीले पक्राउ गरेको छ । महानगरीय प्रहरी परिसर काठमाडौंको टोलीले ओखलढुंगाको सुनकोसी गाउँपालिका–२ घर भएका कुमार खड्का उर्फ विष्णुलाई पक्राउ गरेको हो । ३५ वर्षीय विष्णुलाई बिहीबार महाराजगञ्जस्थित त्रिवि शिक्षण अस्पताल नजिकैबाट पक्राउ गरिएको हो ।
उनले आतंकवाद र तराईको भूमिगत समूहको सूचना सरकारलाई आफुले नै दिने गरेको भनेर भ्रम छर्ने गरेका थिए । राअवीको इन्सपेक्टर र प्रहरीको विशेष ब्यूरोको सूचक समेत हुँ भन्दै हिँडेको सुराकको आधारमा उनलाई पक्राउ गरिएको परिसर काठमाडौंका एसएसपी अशोक सिंहले बताउनुभयो ।
‘राष्ट्रिय अनुसन्धानको इन्सपेक्टर हुँ भनि झुक्यानमा पारेर अनुचित लाभ लिने गरेको देखिन्छ’ एसएसपी सिंहले भन्नुभयो –‘उनीमाथि थप अनुसन्धान गरिरहेका छौं ।’ ratopati बाट
