म्याग्दी ।म्याग्दीको बेनी नगरपालिका–१ ,का अर्जम एक पुरुष १७ दिन देखि सम्पर्कविहीन हुनुभएको छ। गएको चैत्र २२ गते राती ९ बजेदेखि सम्पर्कविहिन भएका ५६ बर्षिय पृथु नेपाली परिवारको सम्पर्क विहीन हुनुभएको हो ।
लामो समय सम्पर्कविहिन भएपछि नेपालीका
परिवारले खोजीकार्यका लागि अपिल गरेका छन् । मानसिक रोगी नेपालीको गाउँका साथै आफन्तईष्टमित्र सबैतिर खोजीकार्य गर्दा समेत पत्ता नलागेपछि प्रहरी चौकी रत्नेचौरमा खोजीकार्यका लागि निवेदन दिएको छोरा झिल्के नेपालीले बताउनुभयो।
‘अहिलेसम्म खोजीकार्य गर्दा भेट्न सकिएको छैन्,‘घरमा पनि कुनै समस्या नभएकाले कतै गएको अनुमान गरिएको छ’ छोरा नेपालीले भन्नुभयो ।केहीदिन आफन्तकोमा गएर फर्किने अनुमान गरिएपनि नआएपछि परिवार चिन्तामा छ।
बेपत्ता नेपालीले अधिक मदिरा सेवन गर्ने गर्नुभएको थियो। सामाजिक सञ्जालमार्फत खोजी कार्यमा सहयोगका लागि परिवारजनले आग्रहसमेत गरेका छन् । परिवारका सदस्यले कसैले भेटे वा देखेमा मोबाइल नम्बर ९८०६५९५९२६ वा ९८२१३६७९३० मा फोन गरी सहयोग गर्न आग्रह गरेका छन्।
