काठमाडौं । पछिल्लो २४ घण्टामा देशभर ७ हजार ९ सय १४ जनामा कोरोना संक्रमण पुष्टि भएको छ । मन्त्रालयका अनुसार १८ हजार ९६५ नमुना पीसीआर विधिबाट र ९३१ नमुना एन्टिजिन विधिबाट कोरोना परीक्षण गरिएकोमा ७ हजार ९ सय १४ जनामा संक्रमण पुष्टि भएको हो ।
हाल देशभर १ लाख १५ हजार ५ सय ४७ जना सक्रिय संक्रमित अवस्थामा रहेका छन् ।जसमध्ये संस्थागत आइसोलेशनमा ७ हजार ३४९ जना र होम आइसोलेशनमा १ लाख ८ हजार १९८ जना रहेका छन् ।
पछिल्लो २४ घण्टामा कोरोनाभाइरसबाट १ सय ९३ जनाले ज्यान गुमाएका छन् । यो संगै कारोनाबाट ज्यान गुमाउनेको संख्या ६ हजार ३ सय ४६ पुगेको छ ।यस्तै पछिल्लो २४ घण्टामा ७ हजार ६ सय ६४ जनाले कोरोना जितेका छन् ।
