काठमाडौं । पछिल्लो २४ घण्टामा देशभर ४ हजार ४ सय ८७ जनामा कोरोना संक्रमण पुष्टि भएको छ । मन्त्रालयका अनुसार पिसिआर परीक्षण गरेकामध्ये ४ हजार ३११ जना र एन्टिजेन विधिबाट परीक्षण गरिएकोमध्य १७६ जना गरी ४ हजार ४ सय ८७ जनामा संक्रमण पुष्टि भएको हो ।
योसँगै हालसम्म कोरोना संक्रमितको संख्या ५ लाख ५३ हजार ४ सय २२ पुगेको छ । हाल देशभर १ लाख १५ हजार ५ सय ९ जना सक्रिय संक्रमित अवस्थामा रहेका छन् ।
पछिल्लो २४ घण्टामा कोरोनाभाइरसबाट ११६ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ७ हजार १ सय ६३ पुगेको छ ।यस्तै पछिल्लो २४ घण्टामा ६ हजार ८० जनाले कोरोना जितेका छन् । यो संगै कारोना संक्रमणमुक्त हुनेको संख्या ४ लाख ३४ हजार ७५० रहेको छ । निको हुने दर ७८.६ प्रतिशत रहेको छ ।
