पश्चिम रूकुम । भेरी नदीमा बगेर बेपत्ता भएकी रूकुम पश्चिमको चौरजहारी नगरपालिका-१२ दुरनेटाकी १६ वर्षीया दीपा डाँगीको शव फेला परेको छ।
चौरजहारी नगरपालिका-३ स्थित भेरी नदीमा बिहीबार बिहान साढे ८ बजेतिर उनको शव फेला परेको जाजरकोटका डिएसपी मधुकुमार थापाले जानकारी दिनुभयो।
मंगलबार दिउँसो भेरीमा रामबहादुर डाँगी बगेपछि दीपा र उनकी बहिनी गीता दाइलाई बचाउन नदीमा हेलिएका थिए। केहीबेरमा रामबहादुर र गीताको उद्धार गरिए पनि दीपा बेपत्ता भएकी थिइन्। उद्धार गरिएकी गीताको जाजरकोट जिल्ला अस्पतालमा उपचारको क्रममा मृत्यु भइसकेको छ। रामबहादुरको उपचार जारी छ। सेतोपाटीबाट
