काठमाडौं । बितेको २४ घण्टामा देशभर १ हजार ८ सय १ जनामा कोरोनाभाइरस संक्रमण पुष्टि भएको छ । सोही अवधिमा १ हजार ६ सय ६७ जना संक्रमणमुक्त भएका छन् ।स्वास्थ्य तथा जनसंख्या मन्त्रालयले शनिबार दिएको जानकारी अनुसार बितेको २४ घण्टामा ९ हजार ६ सय २८ जनामा परीक्षण गर्दा १८०१ जनामा संक्रमण पुष्टि भएको हो ।
यस्तै देशभर कोरोनाबाट थप २३ जनाले ज्यान गुमाएका छन् । यससँगै देशभर कोरोनाबाट हालसम्म मृत्यु हुनेको कुल संख्या ९ हजार ५ सय ५० पुगेको छ।हालसम्म कोरोना संक्रमितको कुल संख्या ७ लाख नाघेको छ । पीसीआर विधिबाट भएको परीक्षणमा हालसम्म ६ लाख ६७ हजार १०९ जनामा संक्रमण पुष्टि भएको छ भने एन्टिजेन विधिबाट ४८ हजार ९४० जनामा संक्रमण पुष्टि भएको छ । यस्तै हालसम्म संक्रमितमध्ये ६ लाख ३२ हजार ७४ जना निको भएका छन् ।
