काठमाडौं । सप्तरीमा एक जना बालकको पोखरी डुबेर मृत्यु भएको छ। शुक्रबार बिहान करिब सवा ११ बजे रुपनी गाउँपालिका वडा नम्बर १ नकटीरायपुर टवल बस्ने ६ वर्षीय युवराजकुमार यादवको पोखरीमा डुबेर मृत्यु भएको हो।
घर छेउ रहेको मुखिलाल यादवको माछा पोखरीमा बच्चाहरूसँग खेल्ने क्रममा बालक डुबेको प्रहरी नायब उपरीक्षक माधवप्रसाद काफ्लेले जानकारी दिनुभयो।
बालकको उद्दार गरी उपचारको लागि अस्पताल लैजाने क्रममा बाटोमै मृत्यु भएको थियो।शवको पोष्टमार्टम गर्न राजविराजस्थित गजेन्द्र नारायण सिंह अस्पताल लगिएको थियो।प्रहरीले थप अनुसन्धान अघि बढाएको छ। सेतोपाटीबाट
