धनगढी । कैलाली जिल्ला फुटबल संघका अध्यक्ष मोहितकुमार शाह हातहतियारसहित पक्राउ परेका छन् । साउन २५ गते राति २३:५५ बजे गौरीगंगा नगरपलिका–९ शंकरपुरस्थित पूर्वपश्चिम राजमार्गबाट पूर्वतर्फ गइरहेको बा १७ च १३१२ नम्बरको अमारो जीपमा चालक रहेका बेला प्रहरीले चेक गर्नेक्रममा उनको साथमा हातहतियार फेला परेपछि उनी पक्राउ परेका थिए।
धनगढी-उपमहानगरपालिका-२ सन्तोषी टोलका ४६ वर्षीय शाहको साथबाट १० थान गोली, एक थान म्याजिन प्रहरीले बरामद गरेको थियो।यस्तै उनीसँगै सोही जीपमा सवार रहेका कैलारी गाउँपालिका-९ गदरिया बस्ने वर्ष ५३ का खेमराज चौधरीको साथबाट पनि १२ बोर हतियार धान एक, गोली एक थान बरामद गरिएको थियो।
उनीहरूसँग जीपमा धनगढी–उपमहानगरपालिका–१ नैनादेवी टोल बस्ने ४६ वर्षीय रुपक मल्ल र कैलारीकै ३३ वर्षीय योगेन्द्र बहादुर देउपा पनि सवार थिए।फुटबल संघ अध्यक्ष शाहसहित चारै जनालाई प्रहरीले नियन्त्रणमा लिएर म्याद थप गरेर अनुसन्धान भइरहेको जिल्ला प्रहरी कार्यालय कैलालीका प्रहरी निरीक्षक लोकेन्द्र सिंह गुरुले बताउनुभयो। सेतोपाटीबाट
