धनगढी । कैलालीमा ट्रकको ठक्करबाट एक जना पैदलयात्रीको मृत्यु भएको छ । पूर्वपश्चिम राजमार्ग अन्तर्गत गौरीगंगा नगरपालिका–४ राजीपुरमा ग १ ख ६४४१ नम्बरको ट्रकले ठक्कर दिँदा स्थानीय ४० वर्षीय मानसिंह गुरधामीको मृत्यु भएको प्रहरीले जनाएको छ ।
जिल्ला प्रहरी कार्यालयका सहप्रवक्ता प्रहरी निरीक्षक लोकेन्द्र गुरुका अनुसार पूर्वबाट पश्चिमतर्फ आइरहेका बेला ट्रकले उनलाई ठक्कर दिएको हो । ट्रक र चालक उदयपुरका ३८ वर्षीय डेकराम खत्रीलाई नियन्त्रण लिइएको प्रहरी निरीक्षक गुरुले बताउनुभयो ।
घटनापछि मृतकका आफन्त तथा स्थानीयले पूर्वपश्चिम राजमार्ग अवरुद्ध गरेका छन् । सुदूरपश्चिम ट्राफिक प्रहरी कार्यालय अत्तरियाका प्रमुख ट्राफिक प्रहरी उपरीक्षक (एसपी) वामदेव गौतमले राजमार्ग अवरुद्ध हुँदा सवारीसाधन बीचबाटोमै रोकिएको बताउनुभयो । अवरुद्ध राजमार्ग खुलाउने प्रयास भइरहेको उहाँले बताउनुभयो । अनलाइनखबरबाट
