दाङ । सल्यानबाट दाङ आउँदै गरेको जीप दुर्घटना हुँदा एकजनाको मृत्यु भएको छ। अन्य १६ जना घाइते भएका छन्। सल्याानको कालिमाटीबाट दाङ आउँदै गरेको भे १ ज ५२२ नम्बरको यात्रुबाहक जीप दुर्घटना हुँदा एकजनाको मृत्यु भएको ईलाका प्रहरी कार्यालय तुलसीपुरका प्रमुख, डिएसपी श्यामु अर्यालले जानकारी दिनुभयो।
दाङको बबई गाउँपालिका वडा नम्बर २ स्थित एक्लेबर ठाडो खोला भन्ने स्थानमा भएको दुर्घटनामा परि जीपका मालिक देबबहादुर सुनारको मृत्यु भएको डिएसपी अर्यालले जानकारी दिनुभयो। सुनार सल्यान कालीमाटी वडा नम्बर ३ का हुन्।
दुर्घटनामा परि घाईते भएका मध्य ३ जनाको अवस्था गम्भिर रहेको प्रहरीले जनाएको छ। उनिहरुलाई उपचारका लागि बाहिर लैजाने तयारी भैरहेको डिएसपी अर्यालले जानकारी दिनुभयो। गम्भिर घाईतेका परिवारहरुका अनुसार उनिहरुलाई उपचारका लागि हेलिकोप्टर मार्फत काठमाडौँ लैजाने तयारी भैरहेको छ। nagariknews.nagariknetworkबाट
