काठमाडौँ । भूमि व्यवस्था, सहकारी तथा गरिबी निवारणमन्त्री शशी श्रेष्ठले सहकारीहरुले पछिल्लो समय ऐनविपरीत बढाएको ब्याजदर घटउनुपर्ने बताउनुभको छ ।
नेपाल सहकारी पत्रकार समाजले शुक्रबार काठमाडौँमा आयोजना गरेको कार्यक्रममा मन्त्री श्रेष्ठले सहकारीहरुले पछिल्लो समय सहकारी ऐनविपरीत ब्याजदर बढाएकाले सहकारीको मूल मर्मअनुसार जाने हो भने ब्याजदर घटउनुपर्ने बताउनुभएको हो । उहाँले सहकारीको ब्याजदर घट्दा घट्ने र बढ्दा बढ्नेभन्दा पनि नेपालमा बढ्दा बढाउने तर घट्दा नघट्ने प्रचलन रहेको बताउनुभयो। मन्त्री श्रेष्ठले अहिलेको अवस्थामा ब्याजदर बढाउने होइन, सहकारीलाई परेको समस्य अन्य माध्यमबाट समाधान गर्नुपर्ने बताउनुभयो।
मन्त्री श्रेष्ठले सहकारीबाट जनता ठगिने देखिएकाले त्यसलाई रोक्ने स्पष्ट पार्नुभयो । उहाँले सहकारीको परिचालनसम्बन्धी भिजन पेपर बनाउन लगाएको भन्दै हचुवाको भरमा सहकारी नीति नबनाइने स्पष्ट पार्नुभयो । केही सहकारीको बेइमानीका कारण यस क्षेत्रप्रति जनताको विश्वास घट्दै गएकाले नियतमा खराबी भए कारबाही र नीतिगत समस्या भए समाधान गर्न आफू तयार रहेको उहाँले बताउनुभयो । मन्त्री श्रेष्ठले संस्थाको फाइदाभन्दा पनि जनताको आवश्यकताका आधारमा परिचालित हुनुपर्ने धारणा राख्नुभयो । नागरिक खबरबाट
