काठमाडौं । काठमाडौंको रामकोटमा घरभित्र पाँच जना बेहोस अवस्थामा फेला परेका छन् । तीमध्ये एकजनाको मृत्यु भएको छ । उपचारका क्रममा ३३ वर्षीय सुवर्णमान प्रधानको मृत्यु भएको प्रहरीले जनाएकोछ । चार जनाको भेन्टिलेटरमा राखेर उपचार भइरहेको छ ।
बेहोस अवस्थामा फेला परेलगत्तै प्रहरीले मनमोहन मेमोरियल अस्पतालमा तत्कालै पुर्याएको थियो । महानगरीय प्रहरी काठमाडौंका अनुसार, ६२ वर्षीय इन्दिरामाया प्रधान, उनका छोरा ३८ वर्षीय भीममान प्रधान, बुहारी ३५ वर्षीया इन्दिरा प्रधान र नातिनी ११ वर्षीया सुप्रिया प्रधानको अवस्था गम्भीर छ ।
काठमाडौंको डल्लु स्थायी घर भएका प्रधान परिवार गत कात्तिकमा रामकोटमा एउटा फ्ल्याट लिएर डेरा सरेका थिए । घटनास्थलबाट सुसाइड नोट पनि फेला परेको प्रहरीले जनाएको छ । आर्थिक अवस्था बिग्रिएको, विरामी भएको लगायत विषय सुसाइड नोटमा उल्लेख रहेको प्रहरीले जनाएको छ । नागरिक खबरबाट
