बेनी । म्याग्दीको रघुगंगा गाउँपालिका –६, कोटगाउँका महिलाहरुलाई सामाजिक कार्य र नृत्य लगायत कार्यक्रममा आवश्यक पोशाक वितरण गरिएको छ । कोटगाउँले महिलाहरुको एक लाख ७५ हजार रुपैयाँ आर्थिृक सहयोगमा एक सय ४६ जना महिलाहरुलाई लुङ्गी र चोलो खरिद गरेर वितरण गरिएको हो ।
उक्त पोशाक यही साउन १८ गते गाउँपालिका उपाध्यक्ष प्रेमकुमारी पुनले एक कार्यक्रमका विच वितरण गर्नुभयो ।गाउँमा गरिने सामाजिक कर्म ,नृत्य लगायत हरेक कार्यक्रममा सहभागी हुने महिलाहरुका लागि सहज र पोशाकमा एकरुपता ल्याउने उद्धेश्यले पोशाक वितरण गरिएको चेतनशिल आमा समुहकी निवर्तमान अध्यक्ष भिस्मु थजालीले बताउनुभयो । साथै सोही अवसरमा सामाजिक कार्यक्रमा आवश्यक सामग्री समेत वितरण गरिएको छ । कार्यक्रममा वडा अध्यक्ष मनकुमार शेरबुजा लगायतको सहभागिता रहेको थियो ।
