प्रसिद्ध पर्यटकीय स्थल घोडेपानी जोड्ने सडक निमार्ण सुरु

सुरेन गुरुङ
शिख, शुक्रबार बैशाख २७ गते ।
नेपालकै प्रसिद्ध पर्यटकीय स्थलको रुपमा परिचित म्याग्दीको अन्नपुुर्ण गाउँपालिकामा रहेको घोडेपानी जाने सडक निर्माण सुरु भएको छ । गण्डकी प्रदेश सरकारको ५० लाख रुपैयाँ बजेटमा अन्नपूर्ण गाउँपालिकाको ६ नम्बर वडामा पर्ने चित्रे देखि सोही वडाको घोडेपानी जोड्ने ५ किलोमिटर सडकको ट्याक निर्माणको काम सुरु भएको उपभोत्ता समितिका अध्यक्ष बिरेन गर्बुजाले जानकारी दिनुभयो ।

उहाँका अनुसार पाँच किलोमिटर सडक सात मिटर फराकिलो हुनेछ । यसैगरी अन्नपूर्ण गाउँपालिकाले पन्ध्र लाख रुपैयाँ बिनियोजन गरेको छ । प्रदेश सरकारको ५० लाख रुपैयाँ बजेट तथा गाउँपाबाट विनियोेजित १५ लाख रुपैयाँ बजेटबाट सडक निर्माण कार्यलाई अगाडी बढाईएको वडा अध्यक्ष कृष्णप्रसाद बरुवालले जानकारी दिनुभयो ।

प्रसिद्ध घोडेपानीमा जाने सडक निर्माणमा दुई गाउँको विचमा विवादीत बनेपछि गाउँपालिकाका अध्यक्ष क्याप्टेन डमबहादुर पुन मगरको पहलमा बुधबार चित्रेमा बसेको दुई गाउँको संयुक्त बैठकबाट रुटमा सहमति भएपछि निर्माण कार्यलाई अगाडी बढाइएको हो । सडक निर्माणलाई चित्रे देखी घोडेपानी तथा कास्की उल्लेरी हुँदै पोखरा राजमार्ग जोड्ने गाउँपालिकाको योजना भएको गाउँपालिका अध्यक्ष क्याप्टेन पुन मगरले जानकारी दिनुभयो ।

चित्रेको खेलमैदानदेखि अन्नपूर्ण होटेलको पछाडीबाट सडक निर्माणमा दुई गाउँबासीहरु सहमत भएका छन् । सडक निर्माण भएपछि घोडेपानीका बासिन्दाका साथै पर्यटकलाई आवतजावत, ढुवानी र निकासीमा सहज हुने अपेक्षा गरिएको छ । हाल पोखरेबगरदेखि चित्रेसम्म सडक सुबिधाकाे पहुँच पुगेकाे छ ।

सम्बन्धित समाचार

thumbnail

अन्नपूर्ण गाउँपालिकाले ल्यायो ४९ करोड ७३ लाखको बजेट (तस्बिरहरु)

बेनी । म्याग्दीको अन्नपूर्ण गाउँपालिकाले ४९ करोड ७३ लाख ३६ हजार बराबरको बजेट ल्याएको छ । शुक्रबार पोखरेबगरमा आयोजना गरिएको १५ औं गाउँसभामा आगमी आर्थिक वर्ष २०७९÷८० का लागि उक्त बजेट गाउँसभाले…

thumbnail

दानाको मतिचौरमा घना जंगलको विचमा १०८ धारा

म्याग्दीको अन्नपुर्ण गाउँपालीका ३ दानाको मतिचौर स्थित मोति बराहमा निर्माण गरिएको १०८ धाराको शनिबार उद्घाटन गरिएको छ । समुन्द्री सतह देखि २२ सय मिटर उचाइमा रहेको धार्मिक एवम् पर्यटकीय स्थल मतिचौरमा धार्मिक…

thumbnail

अन्नपूर्णको कार्यपालिका सदस्यमा एमालेका उम्मेद्वार निर्विरोध

बेनी । म्याग्दीको अन्नपूर्ण गाउँपालिकाको कार्यपालिका सदस्यमा नेकपा एकमालेका उम्मेद्वार निर्विरोध भएका छन् । मनोनयन दर्ता क्रममा ६ जनाको एकल उम्मेद्वारी परेपछी निर्विरोध भएका हुन् । दलित वा अल्पसंख्यक तर्फ बिरबहादुर पौडेल…