आर्थिक बेनी नगरपालिका राष्ट्रिय समाचार स्थानीय स्वास्थ्य

अमित हमालद्वारा एक महिनाको घर भाडा छुट


अमित बिश्वकर्मा

बेनी ,सोमबार असार ०८ गते ।

म्याग्दीको बेनी नगरपालीका –७ मंगलघाटका घरधनी अमित हमालले जेठ महिनाको घरभाडा छुट गर्नुभएको छ । हमालले आफ्नो बेनी नगरपालीका– ७ , मंगलघाटमा रहेको घरबाट मासिक रुपमा प्राप्त हुने २४ हजार रुपैयाँ र बेनपा– ४ सिङ्गामा रहेको घरबाट मासिक रुपमा प्राप्त हुने ५ हजार गरि रु २९ हजार रुपैयाँ घरभाडा छुट गर्नु भएको हो ।

बिश्व व्यापी महामारीको रुपमा फैलिएको कोरोना भाइरसको जोखिम न्युनीकरण तथा नियन्त्रणका लागि नेपाल सरकारले लागु गरेको लकडाउनका कारण भाडामा बस्दै आएका ब्यबसायी, दैनिक ज्यालामजदुरी गर्ने परिवार र बिद्यार्थीलाइ समस्या परेको छ । कोराना भाइरसका कारण भाडामा बस्ने परिवारलाइ पारेको आर्थिक संकटलाइ मध्यनजर गर्दै एक महिनाको घरभाडा मिनाह गरेको घरधनी हमालले बताउनुभयो ।

नेपाल सरकारले पनि यस बिषम परिस्थितीमा एक महिनाको घरभाडा छुट गर्न सम्पुर्ण घरधनीहरुलाइ अनुरोध गरेको थियो । ‘बाबा क्षेत्र बहादुर हमालको सल्लाह अनुसार मेरो घरमा भाडामा बसी दैनिक ज्यालामजदुरी गर्ने, ब्यबसाय संचालन गर्ने र बिद्यार्थी समेत गरि सबैको जेठ महिनाको भाडा छुट गर्ने निर्णय गरेँ,’ हमालले भन्नुभयो, ‘आफ्नो घरमा बस्नेहरु आफ्नै परिवारका सदस्य जस्तै लाग्छ, उनिहरुको अप्ठ्यारो अबस्थामा केही राहत पुगोस भनेर भाडा नलिने घोषणा गरेको हुँ ।’

घरबेटीले एक महिनाको भाडा छुट गरेपछि आफुलाइ निकै राहत महशुस भएको मालीका गाउँपालीका रुम घर भइ हाल हमालको घरमा परिवार सहित बसी बेनीमा दैनिक ज्यालामजदुरी गर्दै आउनु भएका श्याम परियारले बताउनु भयो ।

सम्बन्धित समाचार

thumbnail

चार महिनादेखि तलब नपाएको भन्दै नेपालगञ्ज मेडिकल कलेजका कर्मचारीहरु आन्दोलित

काठमाडौं । चार महिनादेखि तलब नपाएको भन्दै बाँकेको कोहलपुरस्थित नेपालगञ्ज मेडिकल कलेजका कर्मचारीहरु आन्दोलनमा उत्रिएका छन् । सोमबार बिहान प्रशासन शाखामा भेला भएर उनीहरुले नियमित तलब, कोभिडको जोखिम भत्ता लगायतको माग गरेका…

thumbnail

युरोकप फुटबल हेरेर होटलमा झगडा गर्ने खेलाडी र होटल संचालक पक्राउ, जरिवाना तिरेर रिहा

काठमाडौँ । काठमाडौंको त्रिपुरेश्वरस्थित युनाइटेड बिजनेस होटलमा युरोकप फुटवल हेर्दा विवाद गरेर झगडा गर्ने खेलाडी र होटल संचालकलाई स्थानीय प्रशासनले जरिवाना गरेको छ । जेठ ३० गते विहान ३ बजेतिर झगडा परेको…

thumbnail

असार १ गते बागमती प्रदेशको बजेट सार्वजनिक हुने

बागमती । प्रदेशका आर्थिक मामिला तथा योजनामन्त्री कैलाशप्रसाद ढुङ्गेलले आगामी असार १ गते अपराह्न ३ः०० बजे बस्ने प्रदेशसभाको बैठकमा प्रदेश सरकारको आगामी आर्थिक वर्ष २०७८– ७९ को बजेट सार्वजनिक गर्ने तय भएको…