अन्तराष्ट्रिय घटना धवलागिरी गाउँपालिका मुख्य समाचार म्याग्दी म्याग्दी न्युज विशेष

बहराइनमा म्याग्दीका ठकुरी झुण्डिएको अवस्थामा मृत फेला

म्याग्दी । बहराइनमा म्याग्दीका एक पुरुष झुण्डिएको अवस्थामा मृत फेला परेका छन् । जिल्लाको धवलागिरी गाउँपालिका–७,हिलापोखरीका अन्दाजी ४४ बर्षिय डेक बहादुर सेन ठकुरी झुण्डिएको अवस्थामा मृत फेला परेका हुन् ।

जोहाल कन्ट्रक्सन कम्पनीमा कार्यरत ठकुरी सोमबार दिउसो कम्पनीको रुमको पंखामा कपडाको डोरी पासो लगाएर झुन्डिएको अवस्थामा मृत अवस्थामा फेला परेको त्यहाँबाट याम गुरुङले जानकारी दिनुभयो । उहाँका अनुसार ठकुरीको शव पोष्ट मार्टमका लागि अस्पताल लगिएको छ । ठकुरी सन् २००६ मा बहराइनमा गएका थिए ।

ठकुरीले डिप्रेसनका कारण आत्महत्या गरेको हुन सक्ने आशंका गरिएपनि आत्महत्या हो या अन्य कारणले मृत्यु भएको भन्ने पुष्टि भइनसकेको गुरुङ्गले जानकारी दिनुभयो । दुई महिना संगै काम गर्ने कम्पनीका साथीलाई कोरोना पोजेटिभ देखिएपछि उनलाई कन्ट्याक ट्रेसिङमा परेर दुई हप्ता सरकारको क्वारेन्टाइनमा राखिएको थियो ।

क्यारेन्टाइनबाट कम्पनीमा फर्किएका ठकुरीले साथीहरुलाई नेपाल जाने बताएका थिए । घर जाने तयारी गरेपनि हवाई उडान बन्द भएकाले ठकुरी काममा पनि नजाने ,कसैसंग नबोल्ने र एकोहोरो टोलाएर एकान्तमा बस्दै आएका थिए । ठकुरीको घरमा एक छोरा र चार छोरी छन् ।

सम्बन्धित समाचार

thumbnail

भारतमा कोरोना संक्रमित ६० लाख नजिक

नयाँ दिल्ली । भारतमा कोरोनाभाइरसबाट संक्रमित हुने व्यक्तिको संख्या ५९ लाख ९२ हजार पुगेको केन्द्रीय स्वास्थ्य तथा परिवार कल्याण मन्त्रालयले जनाएको छ । मन्त्रालयले पछिल्लो २४ घण्टामा ८८ हजार ६०० जना नयाँ…

thumbnail

भारतका पूर्वमन्त्री सिंहको निधन

काठमाडौँ। भारतका पूर्वमन्त्री जसन्वत सिंहको आज निधन भएको छ । ८२ वर्षको उमेरमा उनको निधन भएको भारतीय प्रधानमन्त्री नरेन्द्र मोदीले ट्विट गरेर जनाएका छन् । भारतीय प्रधानमन्त्री मोदीले सिंहको निधनमा दुःख व्यक्त…

thumbnail

भारतसँगको सीमा क्षेत्र अनुगमनका लागि गृहमन्त्री दार्चुलामा

काठमाडौं । नेपालले दार्चुलास्थित नेपाल-भारत सीमा क्षेत्रमा सुरक्षा अवस्था बढाएपछि भारतले नेपाली सुरक्षाकर्मीको गतिविधिमा निगरानी थालेको छ ।नेपाली सुरक्षाकर्मी जताजता जान्छन्, उतै उतै भारतीय सुरक्षाकर्मी जान थालेपछि नेपालले थप सतर्कता अप्नाउन थालेको…

Write a Reply or Comment