काठमाडौँ। अमेरिका र भारतका विदेशमन्त्रीबीच जापानको राजधानी टोकियोमा भेटवार्ता हुने भएको छ ।अमेरिकाका विदेशमन्त्री माइक पोम्पेओ र भारतका समकक्षी एस जयशंकरको मंगलबार भेट हुने तय भएको अमेरिकी विदेश मन्त्रालयका अधिकारीहरुले जनाएका छन् ।
दोस्रो क्वुयुएडीमा सहभागी हुनका लागि उनीहरू जापान जान गएका हुन् । त्यसमा उनीहरूसँगै जापान र अष्ट्रेलियाका समकक्षीहरु पनि सहभागी हुनेछन् । चीन र भारतबीचमा पछिल्लो समयमा फेरि सिमा विवाद भएपछि अमेरिका र भारतका विदेश मन्त्रीहरूको पहिलो पटक भेटवार्ता हुन लागेको हो ।जापान रहेका बेला अमेरिकी विदेश मन्त्री पोम्पेओले जापानका नवनिर्वाचित प्रधानमन्त्री योशिहिडे सुगा र जापानी विदेश मन्त्री टोशिमिट्सु मोटेगीलगायतसँग पनि भेटवार्ता गर्ने कार्यक्रम रहेको छ ।
भेटवार्तापछि सकारात्मक उपलब्धी हुने उनले विश्वास व्यक्त गरे । उनले आफ्नो यस पटकको भ्रमण निकै राम्रो हुन गइरहेको पत्रकारहरुसँग बताए ।एजेन्सी/नागरिक खबर
