![](https://myagdinews.com/wp-content/uploads/2020/10/कबउबल1-1.jpg)
बेनी । सामाजिक सेवामा सक्रिय सपना रोका मगरले विपन्न परिवार ,एकल महिला र अपाङ्गता भएका परिवारलाई खाद्यान्न सहयोग गरेर जन्मदिन मनाउनुभएको छ । कार्तिक १ गते परेको जन्मदिनको अवसरमा मंगला गाउँपालिकाको वडा नम्बर ४ बरंजा स्थित बुकेनीमा आर्थिक रुपमा कमजोर एकल महिला र अपङ्गता भएका २२ परिवारलाई ३० हजार रुपैयाँ बराबरको दैनिक उपभोग्य खाद्यान्न सामग्री सहयोग गर्नुभएको हो । १८ औं जन्मदिनको अवसरमा सपनाले काठमाडौं सडकमा वेवारिसे र बेसाहारा व्यक्ती संगै केक काटेर जन्मदिन मनाएको सपनाले बताउनुभयो ।
![](https://myagdinews.com/wp-content/uploads/2020/10/कबउबलब--1024x906.jpg)
‘मेरो जन्मदिनको अवसरमा युकेमा रहनुभएका बेदन गुरुङ अंकलले जन्मदिन मनाउनु भनेर पैसा पठाइदिनुभएको थियो,सोही पैसाले गाउँमा आर्थिक रुपमा विपन्न ,एकल महिला तथा अपङ्गता भएका परिवारलाई चाडपर्व मनाउन सहज होस् भन्ने उद्धेश्यले खाद्यान्न सहयोग गरेकी हुँ ’–सपनाले भन्नुभयो । बुकेनीमा जन्मनुभएकी सपना पढाइको सिलसिलामा दुई बर्ष अघि काठमाडौं पुग्नुभएको थियो । सपनाले वेवारिसे अवस्थामा भेटिएका शवहरुलाई दागबत्ती दिएर अन्तिम संस्कार गर्दै आउनुभएको छ । उहाँले हालसम्म ७० वटाभन्दा बढी वेवारिसे शवको व्यवस्थापन गरिसक्नुभएकाे छ ।
![](https://myagdinews.com/wp-content/uploads/2020/10/sapana-4-768x1024.jpg)
![](https://myagdinews.com/wp-content/uploads/2020/10/sapana-6-768x1024.jpg)
![](https://myagdinews.com/wp-content/uploads/2020/10/sapana-7-768x1024.jpg)
![](https://myagdinews.com/wp-content/uploads/2020/10/sapana-9-768x1024.jpg)
![](https://myagdinews.com/wp-content/uploads/2020/10/sapana-2-768x1024.jpg)
![](https://myagdinews.com/wp-content/uploads/2020/10/sapana-1-768x1024.jpg)
![](https://myagdinews.com/wp-content/uploads/2020/10/sapana-5-768x1024.jpg)