बेनी । म्याग्दीको बेनी नगरपालिका–२, खबरा बस्ने ७५ वर्षीया मनकुमारी घिमिरेको धारिलो हतियार प्रहार गरी हत्या गरेको आरोपमा उहाँकै नाति पक्राउ परेका छन् । सोमबार बिहान करिब ११ः३० बजे मनकुमारीलाई उनकी छोरीका छोरा अन्नपूर्ण गाउँपालिका-६, घारका २६ वर्षीय आशिष बरुवालले धारिलो हतियार प्रहार गरी हत्या गरेको प्रारम्भिक अनुसन्धानबाट खुलेको छ। ।
हतियार प्रहारपछि फरार भएका बरुवाललाई जिल्ला प्रहरी कार्यालय म्याग्दीबाट प्रहरी निरीक्षक सागर तिमिल्सिनाको कमान्डमा परिचालित १५ जनाको टोलीले खोजतलासका क्रममा पक्राउ गरेको हो ।
बरुवाललाई बेनी नगरपालिका–२, हाडेभिरस्थित भाग्दै गरेको अवस्थामा फेला पारी नियन्त्रणमा लिइएको प्रहरीले जनाएको छ । घटनाबारे आवश्यक अनुसन्धान तथा प्रमाण संकलनको काम भइरहेको प्रहरीले जनाएको छ ।
