काेराेना अपडेट मुख्य समाचार राष्ट्रिय समाचार समाज स्थानीय

कोरोना संक्रमणबाट पोखराका ६ सहित गण्डकीमा एकैदिन ७ जनाको मृत्यु

पोखरा । विश्वव्यापी महामारीको रुपमा फैलिएको कोरोना भाइरस (कोभिड–१९) का कारण गण्डकी प्रदेशमा पछिल्लो २४ घण्टामा ७ जनाको मृत्यु भएको छ। कोरोनाले पछिल्लो २४ घण्टामा पोखरामा ६ सहित गण्डकी प्रदेशमा ७ जनाको मृत्यु भएको गण्डकी प्रदेश स्वास्थ्य निर्देशनालयले जनाएको छ।

पछिल्लोपटक पोखरा महानगरपालिका वडा नम्बर २७ का ७१ वर्षीय कोरोना संक्रमित पुरुषको मृत्यु भएको छ। पोखरास्थित गण्डकी मेडिकल कलेजमा उपचाररत उनको गएराती १ बजेर ४० मिनेटमा मृत्यु भएको प्रदेश स्वास्थ्य निर्देशनालयले जनाएको छ। गत कात्तिक २९ गते कोरोना संक्रमण पुष्टि भएका उनलाई जटिल खालको निमोनियासँगै उच्च रक्तचापको समेत पहिलेदेखि नै समस्या रहेको निर्देशनालयको वुलेटिनमा उल्लेख छ।

पोखरा महानगरपालिका वडा नम्बर ८ का ५४ वर्षीय पुरुषको पनि मृत्यु भएको छ। गण्डकी मेडिकल कलेजमै उपचाररत उनको विहान ३ बजेर ४० मिनेटमा मृत्यु भएको निर्देशनालयले जनाएको छ। कात्तिक २३ गते कोरोना संक्रमण पुष्टि भएका उनमा निमोनियासँगै मिर्गौला र उच्च रक्तचाप सम्बन्धी समस्या रहेको जनाइएको छ।

पोखरा महानगरपालिका वडा नम्बर ९ का ६८ वर्षीय पुरुषको पनि मृत्यु भएको छ। मंसिर ४ गते पश्चिमाञ्चल क्षेत्रीय अस्पतालमा भर्ना भएका उनको गएराती ११ बजे मृत्यु भएको गण्डकी प्रदेश स्वास्थ्य निर्देशनालयले जनाएको छ। उनलाई बिहीबार मात्र कोरोना संक्रमण पुष्टि भएको थियो। मृतकमा पहिलेदेखि नै निमोनियाको समस्या रहेको जनाइएको छ।

त्यस्तै, पोखरा २१ का ७५ वर्षीय पुरुषको पनि कोरोनाले मृत्यु भएको छ। बिहीबार अस्पताल भर्ना भएका उनको गएराती ११ बजेर २० मिनेटमा मृत्यु भएको प्रदेश स्वास्थ्य निर्देशनालयले जनाएको छ। उनमा पनि निमोनियाको समस्या पहिलेदेखि नै रहेको निर्देशनालयको वुलेटिनमा उल्लेख छ।

यसैगरी, पोखरा १७ का २९ वर्षीय पुरुषको पनि कोरोनाले मृत्यु भएको छ। गएराती अस्पताल भर्ना भएका उनको राती १२ः३० बजे मृत्यु भएको निर्देशनालयको वुलेटिनमा उल्लेख छ। उनमा निमोनियालगायतका समस्या रहेको जनाइएको छ।

त्यस्तै, पोखरा १३ का ५५ वर्षीय पुरुषको पनि कोरोनाले मृत्यु भएको छ। आजै अस्पताल भर्ना भएका उनको विहान सवा ४ बजे मृत्यु भएको निर्देशनालयको वुलेटिनमा उल्लेख छ। उनमा पनि निमोनिया, डायविटिज र मिर्गौलाको समस्या रहेको जनाइएको छ।

र तनहुँ म्याग्दे गाउँपालिका वडा नम्बर ४ का ५१ वर्षीय कोरोना संक्रमित पुरुषको पनि मृत्यु भएको छ। गण्डकी मेडिकल कलेजमा उपचाररत उनको शुक्रबार विहान ९ः३० बजे मृत्यु भएको निर्देशनालयले जनाएको छ। उनमा मंसिर ३ गते कोरोना संक्रमण पुष्टि भएको थियो। शुक्रबार ७ जना मृतक थपिएसँगै कोरोना संक्रमणबाट गण्डकी प्रदेशमा मृत्यु हुनेको संख्या १३८ पुगेको छ। nagariknews.nagariknetworkबाट साभार

सम्बन्धित समाचार

thumbnail

म्याग्दीमा थप ९ जनामा कोरोना संक्रमण

म्याग्दी । म्याग्दीमा थप नौ जनामा कोरोना संक्रमण पुष्टि भएको छ । कन्त्याक्ट ट्रेसिङमा परेका र शंकास्पद बिरामीहरुको मंसिर १६ गते संकलन गरिएका १४ वटा नमुनाको पिसिआर रिपोर्ट अनुसार गुल्मी, तनहुँ र…

thumbnail

पछिल्लो २४ घण्टामा थप १२७२ जनामा कोरोना संक्रमण

काठमाडौं । पछिल्लो २४ घण्टामा थप १ हजार २ सय ७२ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ३८ हजार ८ सय ६१ पुगेको…

thumbnail

कैलालीमा थप एक संक्रमित पुरुषको मृत्यु

कैलाली । कैलालीमा थप एक जना कोरोना संक्रमित पुरुषको मृत्यु भएको छ । सेती प्रादेशिक अस्पताल अन्तर्गतको अस्थायी कोरोना अस्पतालमा उपचाररत कैलाली गोदावरी ३ का ७६ वर्षीय पुरुषको मृत्यु भएको प्रादेशिक अस्पतालका…

Write a Reply or Comment