![](https://myagdinews.com/wp-content/uploads/2020/11/124844906_427812311948956_2158688124435511078_n.jpg)
म्याग्दी । म्याग्दी नदीमा डुबेर बेपत्ता भएका मंगला–५ टिकावाङका १६ वर्षीय शंकर विकको शव बुधबार बिहान तीन दिनपछि फेला परेको छ ।नदीमा डुबेर बेपत्ता भएका टिकावाङका १६ वर्षीय शङ्कर विकको शव वुधवार बिहान फेला परेको हो ।
![](https://myagdinews.com/wp-content/uploads/2020/11/124420795_2588344531462974_1073911170964856073_n.jpg)
पोखराबाट आएको सशस्त्र प्रहरीको गोटाखोर टोलीले तलाउबाट विकको शव निकालेको हो । गोताखोरको टोली मंगलबार बेलुका घटनास्थलमा पुगेको र बुधबार विहान करिब १ घण्टाको प्रयासमा बेपत्ता युवाको शब पानीबाट निकालिएको शसस्त्र प्रहरी निरिक्षक जिसीले जानकारी दिनुभयो ।
छिसबाङस्थित म्याग्दी नदीमा सोमबार पौडी खेल्ने क्रममा विक बेपत्ता भएका थिए । करिब १५ फिट गहिरो तलाउबाट शव निकालिएको थियो ।जनपथ प्रहरी र स्थानीयले खोजी गर्दा नभेटिएपछि गाउँपालिका र जिल्ला प्रशासन कार्यालयमार्फत गोटाखोर टोली मगाइएको थियो ।
‘वेपत्ता किशोरको प्रहरी र स्थानीयबासीबाट खोजीकार्य हुँदा समेत केहि पत्ता नलागेपछि गृहमन्त्रालयसंगको समन्वयमा तत्कालै गोताखोर टोली झिकाएर खोजी गरि सब फेला पार्न सकिएको हो,’ प्रमुख जिल्ला अधिकारी उमाकान्त अधिकारीले भन्नुभयो।