बेनी । म्याग्दीको बेनी अस्पतालमा कोरोना संक्रमित विरामीको उचारको लागि अक्सिजन सहितको आइसोलेसन कक्ष सञ्चालनमा ल्याइएको छ । कोरोना संक्रमित बढेसँगै अस्पतालमा बेड अभाव हुनथालेपछि अस्पतालको निर्माणधिन भवनमा तयार पारिएको २० बेड क्षमताको आइसोलेसन कक्षा आइतबार देखि सञ्चालनमा ल्याइएको हो ।
गण्डकी प्रदेश सरकारको १५ लाख र बेनी नगरपालिकाले उपलब्ध गराएको ५ लाख गरि २० लाख रुपियाँ खर्चिएर सुविधासम्पन्न आइसोलेसन बनाइएको छ । आइसोलेसन कक्षमा यसअघि बेनी नगरपालिका र अस्पतालले खरिद गरेका बेड प्रयोगमा ल्याइएको छ । कोरोना भाइरस संक्रमण फैलिन क्रम रहेको र संक्रमित थपिदै जाँदा बेडको अभाव नहोस भनेर अक्सिजन सहितको आईसोलेसन कक्ष निर्माण गरिएको अस्पताल व्यवस्थापन समितिका अध्यक्ष बेलबहादुर कटुवालले जानकारी दिनुभयो । आइसोलेसन संचालन आएसंगै विरामीको उचारमा सहज भएको छ ।
निर्माणधिन भवनको तल्लो तल्लामा रहेका ५ वटा कोठालाई व्यवस्थापन गरेर आइसोलेसन बनाइएको छ । अस्पतालमा रहेको अक्सिजन उत्पादन केन्द्रबाट विरामीको बेड सम्म नै पाइपबाट अक्सिजन पु¥याउने तयारी गरिएको छ । आईसोलेसन कक्ष सञ्चालनमा आएपछि कोरोना संक्रमित विरामीहरुलाई उपचार गर्न सहज भएको छ ।
