एजेन्सी। भारतको पञ्जाबको मोगामा भारतीय वायुसेनाको एक विमान दुर्घटना भएको छ। वायुसेनाको मिग–२१ लडाकू विमान दुर्घटनाग्रस्त भएको हो।विमान गएराती ९ः३० बजे दुर्घटनामा परेको हो । भारतीय वायुसेनाले विमान नियमित प्रशिक्षण उडानमा रहेको समयमा दुर्घटना भएको जनाएको छ।
दुर्घटनामा पाइलट अभिनव चौधरीको मृत्यु भएको छ । एएनआईले गरेको ट्विटमा सेनाले गएराति लडाकु विमान दुर्घटना भएको जानकारी दिएको उल्लेख छ। खराब मौसमका कारण उद्धार टोली राती करिब साढे ११ बजे मात्रै पुगेको थियो । आज विहान ३ बजे पाइलट चौधरीको शव उद्धार टोलीले निकालेको थियो ।
चौधरीको गर्धन भाँच्चिएर मृत्यु भएको एएनआइले जनाएको छ । दुर्घटनाग्रस्त विमान जमिनको पाँच फुट तलसम्म धस्सिएको थियो भने करिब सय फुट वरपरसम्म विमानका भग्नावशेष छरिएको उद्धार टोलीले जनाएको छ । विमान दुर्घटनाको छानविन गर्न भारतीय वायु सेनाले कोर्ट अफ इन्क्वायरीको आदेश दिएको छ ।नागरिक खबरबाट
