पछिल्लो २४ घण्टामा थप २ हजार ४ सय १ जनामा कोरोना संक्रमण भएको छ । स्वास्थ्य तथा जनसंख्या मन्त्रालयका अनुसार ७ हजार १० आरटी पिसिआर र ४ हजार ६ सय ८६ एन्टिजेन विधिबाट परिक्षण गर्दा जम्मा २ हजार ४ सय १ जनामा कारोना संक्रमण पुष्टि भएको हो ।
हालसम्म देशभर संक्रमितको संख्या पिसिआर परीक्षण गरिएकामध्ये ६ लाख १९ हजार ६ सय ३५ जना र एन्टिजेन परीक्षणमध्ये २५ हजार ५ सय ७४ जना छन । हाल देशभर सक्रिय संक्रमितको संख्या ५७ हजार ६ सय १८ रहेका छन् ।
पछिल्लो २४ घण्टामा कोरोनाभाइरसबाट ३४ जनाले ज्यान गुमाएका छन् । यो संगै कोरोनाबाट ज्यान गुमाउनेको संख्या ८ हजार ६ सय ७५ पुगेको छ ।यस्तै पछिल्लो २४ घण्टामा ३ हजार ६ सय ६० जनाले कोरोना जितेका छन् । यो संगै कारोना संक्रमणमुक्त हुनेको संख्या ५ लाख ५३ हजार ३ सय ४२ रहेको छ । हाल कोरोना निको हुने दर ८९.३ प्रतिशत रहेको छ ।
