जनकपुरधाम । धनुषामा बुबाको हत्या गरेको आरोपमा छोरा पक्राउ परेका छन् । मसला कुट्ने खल प्रहार गरी बुवाको हत्या गरेको इलाका प्रहरी कार्यालय धनुषाधामका प्रहरी निरीक्षक सुरेश ठाकुरले जानकारी दिनुभयो ।
जिल्लाको धनुषाधाम नगरपालिका-१ काशीपुर बस्ने बिसो यादवको बिहीबार राति उनकै छोरा श्रीकिसुनले हत्या गरेका हुन् । उहाँका अनुसार श्रीकिसुनले पछिल्लो समय बुबासँग अंश सम्बन्धी विवाद गर्दै आएका थिए । मृतकको शवलाई पोस्टमार्टमका लागि प्रादेशिक अस्पताल जनकपुरधाममा राखिएको छ । अनलाइनखबरबाट
