काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ नेकपा एमाले अध्यक्ष केपी शर्मा ओलीमाथि खनिएका छन्। योङ कम्युनिष्ट लिग नेपालको दोस्रो पाँचखाल नगर सम्मेलनलाई बिहीबार सम्बोधन गर्दै प्रचण्डले ओली हरूवा र भगौडा भएको बताउनुभएबो छ ।
नेकपा एमाले र माओवादी केन्द्रबीच एकता भएपछि ओलीलाई नेपालको महान् नेता बन्ने अवसर भए पनि उहाँको बुद्धि नपुगेको प्रचण्डले तर्क गर्नुभयो । ‘मैले केपीजस्तो बुद्धि नभएको नेता अर्को देखेको छैन । दुई पार्टी एक भएपछि उनलाई नेपालको महान् नेता बन्ने अवसर थियो,’ प्रचण्डले भन्नुभयो ,‘तर गिदीमा गोबर भरिएपछि के गर्ने !’
केपी व्यक्ति नभएर दम्भी, अहंकारी, सामन्ती हिन्दुवादी प्रवृत्ति भएको प्रचण्डले बताउनुभयो।ओलीले माओवादी र माओवादी नेतृत्वलाई सखाप पार्न प्रतिनिधि सभा विघटन भएको प्रचण्डले बताउनुभयो।ओलीको उक्त षडयन्त्रमा विदेशीहरूले साथ दिएको उहाँले बताउनुभयो। ‘तर हामीले त्यसलाई हरायौं। नेकपा हुँदा केपीको प्रवृत्ति उजागर गरेर उहाँलाई पार्टी साधारण सदस्यबाट निकाल्यौं,’ प्रचण्डले भन्नुभयो,‘पछि पनि उहाँलाई बालुवाटारबाट बालकोट पुर्यायौं। हामी विजेता हौं। केपी हरूवा हो, भगौडा हो।’
माओवादी युद्धका बेला प्रतिक्रियावादीहरूले आफूहरूलाई घेरा हाल्ने र सखाप पार्ने रणनीति बनाएजस्तै पछिल्लो समय ओलीले त्यस्तै कोशिश गरे प्रचण्डले बताउनुभयो। ‘अहिले पनि खतरा टरिसकेको छैन। अहिले पनि हाम्रो गठबन्धनलाई टुटाउन षडयन्त्र भइरहेका छन्। जस्तोसुकै त्याग गर्नु परे पनि हामीले अर्को चुनावसम्म अहिलको गठबन्धनलाई टुट्न नदिने प्रतिवद्धता जनाएका छौं,’ प्रचण्डले भन्नुभयो। सेतोपाटीबाट
