काठमाडौँ । रुपन्देहीको पिछडिएको क्षेत्र मानिने मर्चवारमा लुम्बिनी प्रदेश सरकारले प्राविधिक शिक्षालय स्थापना गर्ने भएको छ । प्रदेश सरकारका शिक्षा, विज्ञान, युवा तथा खेलकुद मन्त्री वसीउद्दीन खाँले भारतसँगको सीमा क्षेत्रमा पर्ने मर्चवारमा छिटै प्राविधिक शिक्षालय खोल्ने बताउनुभयो ।
नेपाली काँग्रेस मर्चवारी गाउँपालिकाले मर्चवारी–५ मा आयोजना गरेको कार्यक्रमलाई मंगलबार सम्बोधन गर्दै उहाँले विकासका दृष्टिले वर्षौंदेखि पिछडिएको यस क्षेत्रको समग्र विकासमा प्रदेश सरकारले ध्यान दिने बताउनुभयो । उनले धार्मिक पर्यटकीय स्थल मर्चवारी देवी मन्दिरको गुरुयोजना बनाएर यसको विकासका लागि काम अगाडि बढाइने बताउनुभयो ।
कार्यक्रममा नेपाली काँग्रेसका युवा नेता आशुतोष मिश्राले धार्मिक पर्यटकीय स्थल मर्चवारी देवी मन्दिरको विकासका लागि अगाडि बढ्नुपर्नेमा जोड दिनुभयो । उनले शिक्षाको क्षेत्रमा प्रभावकारी ढंगले काम गर्न पनि मन्त्री खाँलाई सुझाव दिनुभयो। कृषि सम्बन्धी पढाई सुरु गर्न सके कृषिको विकासमा महत्वपूर्ण योगदान पुग्ने उहाँले बताउनुभयो ।
रुपन्देही क्षेत्र नम्बर ४ (ख) बाट प्रदेशसभा सदस्यमा निर्वाचित खाँलाई स्वागत तथा सम्मान गर्न आयोजित कार्यक्रममा काँग्रेस नेता तथा कार्यकर्ताले हाटीबनगाई चोकदेखि कार्यक्रमस्थल मर्चवारी देवी मन्दिर अगाडिसम्म ¥याली निकालेका थिए । रातोपाटीबाट
