कर्णाली प्रदेश सभाको नवौं अधिवेशन आह्वान

कर्णाली । कर्णाली प्रदेशसभाको नवौं अधिवेशन आह्वान गरिएको छ। प्रदेश सभा सचिवालयले भोलि पुस २८ गतेका लागि अधिवेशन आह्वान गरेको हो।

नेपालको संविधानको धारा १८३ को उपधारा (१) बमोजिम कर्णाली प्रदेश प्रमुख तिलक परियारले प्रदेश सभाको नवौं अधिवेशन आह्वान गर्ने निर्णय भएअनुसार पुस २८ गतेका लागि दिउँसो ३ बजे प्रदेश सभाको बैठक बोलाइएको प्रदेश सभा सचिवालयका कानुन अधिकृत मदन खड्काले जानकारी दिनुभयो।

उहाँका अनुसार कर्णाली प्रदेश सभा नियमावली २०७४ को नियम ३ को उपनियम ३ बमोजिम प्रदेश सभा सदस्यलाई सूचना गरिएको छ।यसअघि मुख्यमन्त्री जीवनबहादुर शाहीको विश्वासको मत लिने प्रयोजनका लागि गत मंसिर १४ बोलाइएको बैठक प्रतिपक्षी दल नेकपा (एमाले) उपस्थिति नभएका कारण यसको भोलिपल्ट मंसिर १४ गते प्रदेशसभा बैठक बसालिएको थियो । रासस

तपाईको प्रतिक्रिया

सम्बन्धित समाचार