काठमाडौँ । नेकपा एमालेका अध्यक्ष केपी शर्मा ओलीले आज गर्ने भनेको पत्रकार सम्मेलनमा समन्वयको अभाव देखिएको छ । एमाले प्रचार विभाग उपप्रमुख समेत रहेका केन्द्रीय सदस्य विष्णु रिजालले पत्रकार सम्मेलन गर्ने कि भनेर आन्तरिक छलफल भएपनि टुंगो नलागेको बताउनुभयो ।
यसअघि एमाले केन्द्रीय कार्यालयका कार्यालय सचिव भीष्मराज अधिकारीले भने दिउँसो १ बजे पत्रकार सम्मेलन गर्ने तय भएको बताउनुभएको थियो । तर, एमाले प्रचार विभागका उपप्रमुख रिजालले पत्रकार सम्मेलन गर्ने कि भन्ने आन्तरिक सल्लाह भएपनि ठोस निर्णय भइनसकेको बताउनुभयो । ‘आन्तरिक रुपमा पत्रकार सम्मेलन गर्ने कि भन्ने सल्लाह मात्र भएको हो, गर्ने नै भनेर हामीले घोषणा गरेका थिएनौँ’, रिजालको भनाइ छ । रातोपाटीबाट
