अछाम । नेकपा (एकीकृत समाजवादी)की नेतृ मदनकुमारी शाह ‘गरिमा’ले एमसिसी पारित नगर्दा सरकार ढल्छ भने ढल्न दिनुपर्ने बताउनुभएको छ ।
‘राष्ट्रियताभन्दा सरकार ठुलो नभएका कारण गठबन्धन तोड्न तयार छौँ । तर, एमसिसी कुनै पनि सर्त वा बहानामा अघि बढ्नै दिँदैनौँ,’ राष्ट्रियसभा सदस्यसमेत रहेकी शाहले भन्नुभयो ।
कार्यकर्ता भेटघाटमा अछाम पुगेकी शाहले एमसीसी कुनै पनि हालतमा अनुमोदन हुन नहुने बताउनुभयो। ‘एमसीसी कुनै पनि सर्त वा बहानामा अघि बढाउने कुरा जनतालाई स्वीकार्य हुँदैन । यो खारेज हुनुपर्छ,’ उहाँको भनाइ छ । उहाँले पाँच दलीय सत्ता गठबन्धन फुटाउने वा जुटाउने कारक एमसीसी बन्न नहुने पनि बताउनुभयो । नागरिक खबरबाट
