काठमाडौँ । पछिल्लो २४ घण्टामा नेपालमा ७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २ हजार ८ सय १९ पीसीआर परीक्षणमा ७ जना संक्रमित फेला परेका हुन । १ हजार ८ सय ४९ एन्टीजेन परीक्षणमा भने सबैको नेगेतिभ रिर्पाेट आएको हो ।
यस्तै कोरोना संक्रमणका कारण पछिल्लो २४ घण्टामा कसैको पनि मृत्यु भने भएको छैन । कोरोनाका कारण नेपालमा मृत्यु हुनेको संख्या ११ हजार ९ सय ५१ पुगेको छ । यस्तै पछिल्लो २४ घण्टामा २५ जना निको भएका छन् । नेपालमा हाल सक्रिय संक्रमितको संख्या ७ सय ४७ रहेको छ ।
