काठमाडौँ । सत्तागठबन्धनबाट काठमाडौं महानगरपालिकाको मेयर उम्मेदवार नेपाली कांग्रेसकी नेता सिर्जना सिंहले टोल(टोलमा पार्क बनाउने बताउनुभएको छ।आफूले मेयर जितेमा महानगरबाट अस्पताल नै सञ्चालन गर्ने योजना उहाँले सुनाउनुभएको छ ।
उहाँले शिक्षा, स्वास्थ्य र सफा काठमाडौं आफ्नो प्राथमिकताका क्षेत्र भएको बताउनुभयो । शिक्षक संघको महानगर समितिले आज गरेको छलफलमा उहाँले सबैलाई शिक्षा र सबैको पहुँमा स्वास्थ्य सेवा पुर्याउन काम गर्ने बताउनुभयो छ । उहाँले सरकारी विद्यालयको शिक्षाको गुणस्तर वृद्धि गर्न महानगरले पनि ध्यान दिने बचाउनुभयो ।
उहाँले सुविधा सम्पन्न अस्पताल खोलेर महानगरवासीलाई स्वास्थ्य सेवा दिने बताउनुभएको छ। ‘महानगरमा अस्पताल खोलेर दिनदुस्खी र जेष्ठ नागरिकलाई निस्शुल्क उपचार दिन्छौं,’ सिंहले भन्नुभयो। महानगरले अस्पताल खोलेपछि सरकारी अस्पतालमा हुने चाप घट्ने र अन्य अस्पतालको सेवा पनि सुधार हुँदै जाने उहाँको विश्वास छ।उहाँले महानगरका ३२ वडामै जेष्ठ नागरिक भवन बनाउने बताउनुभयो। ‘महानगरले व्यापारिक प्रयोजनका ठूला भवन बनाउँदैन,’ उहाँले भन्नुभयो। सेतोपाटीबाट
