काठमाडौं । पछिल्लो २४ घण्टामा देशभर ९ हजार २ सय ४७ जनामा कोरोना संक्रमण पुष्टि भएको छ । संक्रमित हुनेको कुल संख्या ४ लाख ६४ हजार २ सय १८ पुगेको छ । मन्त्रालयका अनुसार २१ हजार ६ सय ५३ आरटी पिसिआर र ४ सय ३४ एन्टिजेन परीक्षण गरिएकोमा ९ हजार २ सय ४७ जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार देशभर महामारीको रुपमा फैलिएको कोरोनाभाइरसको सक्रिय संक्रमितको संख्या १ लाख १३ हजार ४ सय ८० रहेको छ । पछिल्लो २४ घण्टामा कोरोनाभाइरसबाट २ सय १४ जनाले ज्यान गुमाएका छन् । यो संगै कारोनाबाट ज्यान गुमाउनेको संख्या ५ हजार २ सय १५ पुगेको छ ।
यस्तै पछिल्लो २४ घण्टामा ५ हजार ७ सय ६७ जनाले कोरोना जितेका छन् । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार निको हुने संख्या ३ लाख ४५ हजार ५२३ पुगेको छ ।
