काठमाडौँ । पछिल्लो २४ घण्टामा नेपालमा ५८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ५ सय ३९ पीसीआर परीक्षणमा ५० जना र १ हजार ८७९ एन्टीजेन परीक्षणमा ८ जना गरी ५८ जनामा संक्रमण पुष्टि भएको हो ।
यस्तै कोरोना संक्रमणका कारण पछिल्लो २४ घण्टामा कसैको पनि मृत्यु भने भएको छैन । कोरोनाका कारण नेपालमा मृत्यु हुनेको संख्या ११ हजार ९ सय ५० पुगेको छ । यस्तै पछिल्लो २४ घण्टामा १ सय ४८ जना निको भएका छन् । नेपालमा हाल सक्रिय संक्रमितको संख्या ४ हजार ८ सय १९ रहेको छ ।
