गलेश्वर । म्याग्दीको बेनी नगरपालिका–९, स्थित गलेश्वरमा नवनिर्मित सडक ट्रयाकको उद्घाटन गरिएको छ । गलेश्वर बजार टोल विकास संस्थाको आयोजनामा स्थानीयवासी र टोल विकासको सक्रियतामा क्लवको पुरानो खेलमैदानदेखि शान्तिटोल सम्म जोड्ने करिब ३५० मिटर मोेटरबाटोको बेनी नगरपालिका मेयर सुरत केसीले शुक्रबार एक कार्यक्रमका बीच उद्घाटन गर्नुभएको हो ।
मेयर केसीले निकास मिचेर नभई निकास दिएर मात्र विकास गर्नुपर्नेमा जोड दिनुभयो । उहाँले विकासको लागि आफ्नो तर्फबाट हुन सक्ने सहयोग गर्न सदैव तयार रहेको समेत बताउनुभयो ।
वर्षौंअघिदेखी नयाँ ट्रयाक बिस्तारको माग गर्दा समेत सम्बन्धित निकायले वेवास्ता गरे पश्चात बाध्य भएर टोल विकास संस्थाको सहकार्यमा स्थानीयको चन्दा र श्रमदानबाट नयाँ ट्रयाक विस्तार गरेको टोल सुधार संस्थाका सल्लाहकार धनपति चुहाईले जानकारी दिनुभयो । उहाँका अनुसार, स्थानीयवासीबाट चन्दा सहयोग ७५ हजार रुपैयाँ र टोल विकास संस्थाबाट ६७ हजार दुई सय रुपैयाँ गरी कुल एक लाख ४२ हजार दुई सय रुपैयाँ र स्थानीबासीको करिब पचास हजार रुपैयाँ बराबरको श्रमदानमा नयाँ ट्रयाक विस्तार भएको छ । उक्त सडक निर्माण भए पछी फोहर व्यवस्थापनमा सहज हुनुका साथै १२ घरधुरी लाभान्वीत भएका छन् ।अप्थ्यारो र साँघुरो सडकमा ट्रयाक विस्तार गर्दै ढलान गरिएको छ ।
सोही कार्यक्रममा स्थानीय र जनप्रतिनिधी बीच टोल विकास संस्थाका सल्लाकार बाबुराम आचार्य, धनपति चुहाई, संस्थाका सदस्य टिका पुर्जा, गलेश्वर सानो वन उपभत्ता समितिका अध्यक्ष हर्कबहादुर बानिय, गलेश्वरधाम आमा समसहकी अध्यक्ष फुलकुमारी रोका, गलेश्वर शिवालय क्षेत्र विकास कोषका पूर्व उपाध्यक्ष भिमनाथ पराजुलीले सार्वजनिक सौचालय, गाडी पार्किङ, बृद्धाश्रम मर्मत, फुलपर्सादी पसल व्यवस्थापन, सडक स्तरोन्नती नयाँ ट्रयाक विस्तार, ढल निकास, मलामी विश्राम घर मर्मत, घटान जाने पदमार्ग रेलिङ, राममन्दिर जाने झलुङ्गेपुल संरक्षण यावत विषयमा जानकारी गराएका थिए ।
गलेश्वर सानो वन उपभक्ता समितिले एक लाख ५५ हजार पाँच सय ५० रुपैयाँ लागतमा निर्माण गरेको बसपार्कदेखी घटान जाने सिडी पदमार्ग र गलेश्वर टोल विकास संस्थाले ५४ हजार ६५ रुपैयाँ लागतमा निर्माण गरेको मल्लाज जाने झलुङ्गेपुल क्षेत्रको पदमार्ग मर्मत अवलोकन समेत गरेका थिए ।
गलेश्वर टोल विकास संस्थाका संयोजक सरबहादुर गर्बुजा (गोपाल)को अध्यक्षता बालकुमार लामिछानेको स्वागत र लोकेन्द्र खड्काले सञ्चालन गर्नुभएको कार्यक्रममा बेनी नगरपालिका–९, का वडा अध्यक्ष चक्रबहादुर केसी र गलेश्वर शिवालय क्षेत्र विकास कोषका अध्यक्ष माघव रेग्मीले मन्तव्य राख्नुभएको थियो । ।
