मालिकामा भक्तजनको भीड, मनोकामना पुरा हुने विश्वास (फोटोफिचर)

साधन राम्जाली /दरबाङ,आइतबार जेठ ५ गते ।
मालिका म्याग्दीको ऐतिहासिक धार्मिक स्थल एवम् प्रमुख पर्यटकीय स्थल हो । समुन्द्र सतहदेखी करिब तीन हजार ४ सय उचाईमा अवस्थित छ । जिल्लाको मालिका गाउँपालिकाको वडा नं ६ , ७ र रघुगंगा गाउँपालिकाको वडा नं ६ को सिमानामा रहेको मालिकामा बिशेष गरी चन्डी पुर्णीमा ,जेष्ठ पुर्णिमा र भाईटिका र बाला चर्तुदशिमा पुजाआजा सहित मेला लाग्ने गर्दछ ।

मालिकाको पुजाआजा ,दर्शन र भाकल गरेमा मनोकाङक्षा पुरा हुने जनविश्वास रहेको छ ।
विक्रम संवत १९१० साल देखी पुजा हुँदै आएको मालिकामा वि सं १९६८ देखी मन्दीर निर्माण गरि विधिवत रुपमा पुजाआजा गरिदै आइरहेको मालिका क्षेत्र विकास समितिका अध्यक्ष छकप्रसाद पाईजाले जानकारी दिनुभयो ।


चण्डी पुर्णिमाको अवसरमा शनिबार तीन हजार बढी भतmजनहरुले मालिका मन्दिरमा पुजाआजा तथा दर्शन गर्न आएको मालिका मन्दीर क्षेत्र विकास समितिका सचिव ओम बहादुर रोका मगरले जानकारी दिनुभयो । उहाँका अनुसार जिल्ला तथा अन्य छिमेकी बागलुुङ ,पर्वत ,स्याङजा,गुल्मी ,कास्की तथा काठमाण्डौ लगायत जिल्लाबाट भतmजनहरु आएका छन् । मगर पुजारीहरुद्धारा गरिने मालिकामा धजामेजा सहित नरिवल तथा परेवा र बोकाको बलि दिइन्छ ।

मेलिसिया गएको सात बर्षसम्म पनि माईला छोराको खबर नआएपछि ठाडाखानीका दिलबहादुर पुनले मालिकाको भाकल गरेसंगै छोराको विदेशबाट फोन र पैसा आएको उहाँले खुशिको आशुँ खसाल्दै भन्नुभयो । सात बर्ष पछि बेखबर छोरा सम्पर्कमा आएपछि छोराको सुस्वास्थ्य अनि दिर्घायुको कामना गर्दै नियमित मालिकामा पुजा गर्न आएको छु ।



मालिका मन्दीरमा पुजा गरेमा मनोकाङक्षा पुरा हुने भएकाले भाकल गरी पुजा गर्न आएको कास्कीको पोखराबाट आउनुभएकी अमला पुनले बताउनुभयो । मालिकामा बालबालिकादेखी बृद्धबृद्धा सम्मका भतmजनहरुले पुजा गर्न आउने गर्दछन् ।


शनिबार पुजालाई व्यवस्थित बनाउन गाउँपालिका अध्यक्ष श्रीप्रसाद रोका मगर सहित वडा नं ६ का अध्यक्ष सन्तनाथ जैसी इलाका प्रहरी कार्यालय दरबाङबाट सुरक्षाकर्मिको टोली ,मन्दीर क्षेत्र विकास समिति लगायत स्थानिय युवाहरुले सहजिकरण गर्नुभएको थियो ।

विहान पाँच बजेदेखी सुरु भएको पुजा साँझ सम्म संचालन भएको थियो । मालिकामा खानेपानी र बास बस्ने आवास नहुँदा भतmजनलाई सास्ती हुने गरेको छ ।


मालिका म्याग्दीको ऐतिहासिक एवम् प्रमुख पर्यटकीय स्थल भएको गाउँपालिकाका अध्यक्ष श्रीप्रसाद रोका मगरले बताउनुभयो । मालिकामा आउने भतmजनलाई लक्ष्यित पुुर्वाधार निर्माणका लागि गाउँपालिकाले बजेट विनियोजन गरेको बताउनुभयो । भतmजनलाई लक्ष्यित गरि गाउँपालिकाले गौरबको योजना अन्तर्गत वडा न.७ बिम र वडा नं ६ दुखु हुँदै मालिका जोड्का लागि सडक निर्माणको काम सुरु गरेको बताउनुभयो ।


उहाँले संघिय संरचना निर्माण संगै गाउँपालिकाको नाम पनि मालिका धुरीबाट नामाकरण गरिएको बताउनुभयो । साथै मालिकामा पुर्वाधार निर्माण र पर्यटन संग जोड्न पदमार्ग निर्माणका लागि गाउँपालिकाले विशेष गुरुयोजना बनाई पर्यटन बोर्ड ,प्रदेश र संघ सरकारसंग समन्वय गरी अगाडी बढ्ने अध्यक्ष रोका मगरको भनाई छ ।


मालिकादेखी सिस्ने,गुुर्जा,मानापाठी,धौलागिरी,निलगिरी,अन्नपुर्ण,माछापुछ्रे मनास्लु लगायत दर्जन हिमश्रृखला,सुर्याेदय र जिल्ला तथा छिमेकी जिल्लाको बस्तीहरुको अवलोकन गर्न सकिन्छ ।



सम्बन्धित समाचार

thumbnail

दानाको मतिचौरमा घना जंगलको विचमा १०८ धारा

म्याग्दीको अन्नपुर्ण गाउँपालीका ३ दानाको मतिचौर स्थित मोति बराहमा निर्माण गरिएको १०८ धाराको शनिबार उद्घाटन गरिएको छ । समुन्द्री सतह देखि २२ सय मिटर उचाइमा रहेको धार्मिक एवम् पर्यटकीय स्थल मतिचौरमा धार्मिक…

thumbnail

ट्याङ्कर पल्टिएपछि पोखरा विमानस्थलमा उडान प्रभावित

पोखरा विमानस्थलमा इन्धन बोकेको ट्यांकर दुर्घटना भएको छ । घटनास्थलमा कास्कीका एसपी रमेश थापा उद्धारकर्मी सहित पुगेका छन् । विमानस्थलको कम्पाण्डमा ट्यांकर पल्टिएको कास्कीका एसपी रमेश थापाले बताए । प्रविधिको सहायताले सुरक्षाकर्मीहरुले…

thumbnail

हराएको जहाज भेटिएन, आजलाई खोजी कार्य स्थगित

काठमाडौं । आइतबार बिहान ९ः५५ बजे पोखराबाट जोमसोमका लागि उडेको तारा एयरको विमान सम्पर्कविहीन भएको छ । पोखराबाट उडेको १२ मिनेटपछि सम्पर्कविहीन भएको टुइनटर विमान बेलुकी ८ बजेसम्म भेटिएको छैन । नेपाल…