काठमाडौं । पछिल्लो २४ घण्टामा थप ७ सय २२ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ५५ हजार २ सय ३६ पुगेको छ ।
यस्तै पछिल्लो २४ घण्टामा थप ९ सय ६६ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख ४५ हजार ७ सय ९ पुगेको छ ।
पछिल्लो २४ घण्टामा थप ३ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ७ सय ९८ पुगेको छ ।
