बेनी । युवाको क्षमता र नेतृत्व विकासमा क्रियाशील संस्था म्याग्दी जेसिजको नयाँ शाखा अध्यक्षमा विरेन्द्र श्रेष्ठ निर्वाचित हुनुभएको छ । सोमबार बेनीमा सम्पन्न २२औं साधारणसभा तथा २१ औं अधिवेशनबाट म्याग्दी शाखाको बर्ष २०२१का लागि श्रेष्ठ अध्यक्षमा चयन हुनुभएको हो ।
अध्यक्ष श्रेष्ठ सहित उपाध्यक्षमा वरिष्ठ कार्यकारिणी उपाध्यक्ष सन्दिप खत्री ,कार्यकारिणी उपाध्यक्ष विष्मा श्रेष्ठ ,कार्यकारिणी उपाध्यक्ष सुमन बानियाँ ,उपाध्यक्ष नरेश श्रेष्ठ ,उपाध्यक्ष डेकमाया केसी ,महासचिव दिनेश विश्वकर्मा ,कोषाध्यक्ष कुमार बानियाँ ,शाखा सम्पादकमा हरि भण्डारी र सह–कोषाध्यक्षमा सुनिता श्रेष्ठ चयन हुनुभएको छ । यसैगरी ,कानुनी सल्लाहकारमा पुर्व अध्यक्ष खम थापा मगर र अध्यक्षयीय सल्लाहकारमा शैलेष श्रेष्ठ चयन हुनुभएको छ ।
अध्यक्ष पदका लागि श्रेष्ठ सहित भरत बहादुर रकाल ,शैलेष श्रेष्ठ ,विपिन बानियाँ र सन्दिप खत्रीले उम्मेद्धारी दिनुभएको थियो । अध्यक्ष पदका दावेदार श्रेष्ठ ,बानियाँ र खत्रीले दावी फिर्ता गरेर श्रेष्ठलाई समर्थन गर्नुभएको थियो भने , रकाल लगायत १८ जनाले जेसिज सदस्यबाट सामूहिक राजिनामा दिनुृभएको जेसिज वर्ष २०२० का अध्यक्ष सुजन बरुवालले जानकारी दिनुभयो ।
कार्यक्रममा जेसिजका पुर्व राष्ट्रिय अध्यक्ष धनन्ज्यकुमार श्रेष्ठ ,म्याग्दी जेसिजका संस्थापक अध्यक्ष रमेशकुमार श्रेष्ठ ,पुर्व अध्यक्ष सुविन श्रेष्ठ ,पुर्व अध्यक्ष विजय श्रेष्ठ र निवर्तमान शाखा अध्यक्ष बरुवालले नयाँ कार्यसमितिलाई बधाई तथा शुभकामना व्यक्त गरे ।निर्वाचित अध्यक्ष श्रेष्ठले संस्थाको निति तथा कार्यक्रम अनुसार आफु अगाडी बढ्ने प्रतिबद्धता व्यक्त गर्नुभयो ।
