काठमाडौँ । नवनियुक्त परराष्ट्रमन्त्री डा.नारायण खड्काले पद तथा गोपनीयताको शपथ लिनुभएको छ । शीतल निवासमा आयोजित समारोहमा राष्ट्रपति विद्यादेवी भण्डारीले खड्कालाई मन्त्री पदको शपथ ग्रहण गराउनुभएको हो । सरकारको सिफारिसमा राष्ट्रपति भण्डारीले आजै खड्कालाई मन्त्री पदमा नियुक्त गरी परराष्ट्र मन्त्रालयको कार्यभार सम्हाल्ने गरी तोक्नुभएको थियो ।
मन्त्री खड्काले आजै परराष्ट्र मन्त्रालय पुगेर कार्यभार सम्हाल्ने कार्यक्रम छ । मंगलबार सत्ता गठबन्धनबीच भएको सहमतिअनुसार उहाँलाई प्रधानमन्त्री देउवाले मन्त्रीमा नियुक्त गर्नुभएको हो । मन्त्रालयको कार्यभार सम्हालेर मन्त्री खड्का आजै संयुक्त राष्ट्रसंघीय महासभामा भाग लिन बुधबार न्युयोर्क जाने कार्यक्रम छ । नागरिक खबरबाट
