काठमाडौँ । किशोरीमाथि बलात्कार गरेको आरोपमा नेपाल फ्रेट फरवार्डर्स (कार्गो) एशोसिएसनका अध्यक्ष मनोज अधिकारी पक्राउ परेका छन्। १६ वर्षीया किशोरीमाथि बलात्कार गरेको आरोपमा प्रहरीले अधिकारीलाई पक्राउ गरेको महानगरीय प्रहरी परिसर काठमाडौंका प्रहरी उपरीक्षक रमेश बस्नेतले बताउनुभयो।
महानगरीय प्रहरी वृत्त मालिगाउँले अधिकारीलाई कात्तिक १६ गते बलात्कार आरोपमा ठमेलबाट पक्राउ गरेको हो।आफूमाथि बलात्कार गरेको भन्दै कात्तिक ८ गते किशोरीले उनीविरूद्ध जाहेरी दिएकी थिइन्। जाहेरीको परेको आठ दिनपछि प्रहरीले उनलाई ठमेलबाट पक्राउ गरेको हो।
‘जाहेरी परेपछि मालिगाउँको टोलीले उनलाई पक्राउ गरी अनुसन्धान गरिरहेको छ,’ प्रहरी उपरीक्षक बस्नेतले भन्नुभयो।उनीमाथि मालिगाउँ वृत्तले हिरासतमा राखेर थप अनुसन्धान अघि बढाएको छ। सेतोपाटीबाट
