बेनी ।नेपाली कांग्रेस म्याग्दीले आगामी बैशाख ३० गते हुन लागेको स्थानीय तह चुनावमा रघुगंगा गाउँपालिकाको उपाध्यक्षमा नेपाली काँग्रेस म्याग्दीले प्रेमकुमारी पुनलाई उम्मेद्धार बनाउने निणर्य गरेको छ । पुन वडा सदस्य हुनुहुन्छ ।
शुक्रबार बिहान पार्टी कार्यालयमा बसेको बैठकले गाउँपालिको उपाध्यक्षमा आकांक्षी छ जना मध्ये रघुगंगा–६, कोटगाउँ निवासी प्रेमकुमारीलाई उपाध्यक्ष बनाउने निणर्य गरेको जिल्ला सचिव हिराबहादुर पुनले जानकारी दिनुभयो ।
वडा सदस्य पुनसंग प्रिय आमा समुह कोटगाउँको अध्यक्ष,विद्यालय व्यवस्थापन समिति ,युवा क्लब ,सहकारी ,आम्दी सामुदायीक वन लगायत विभिन संघसंस्थामा काम गरेको अनुभव छ । बिहिबारको बैठकले गाउँपालिकाको अध्यक्षमा बालवाल अध्यक्ष भव बहादुर भण्डारीलाई नै दोहोर्याउने निणर्य गरिसकेको छ ।
