बेनी । नेकपा एमालेका केन्द्रिय महासचिव शंकर पोखरेलले वर्तमान सरकार इतिहासकै असक्षम र नालायक भएको बताउनुभएको छ । शुक्रबार एमाले म्याग्दीको दशौं जिल्ला अधिवेशनलाई सम्बोधन गर्दै महासचिव पोखरेलले वर्तमान गडबन्धनको सरकार इतिहासकै असक्षम र नालायक भएको बताउनुभएको हो । वर्तमान सकार असक्षम र नालायक भएकै कारण राष्ट्रिय स्वाधिनता र स्वाभिमान अन्तर्राष्ट्रिय स्तरमा कमजोर हुँदै गएको छ ,राष्ट्रिय हित र सार्वभौमिकता जोगाउन चुनौती थपिएको छ’,उहाँले भन्नुभयो ‘ मुलुकलाई चरम संकटबाट बाहिर निकाल्न पनि एमालेको नेतृत्व आवश्यक छ ।’
यसैगरी महासचिव पोखरेलले सरकारलाई दवाव दिन आन्दोलनको तयारी गर्न कार्यकर्तालाई सुझाउनुभयो। नयाँ शक्तिका नाममा छाडातन्त्र र अराजकताले समाजलाई सही बाटोमा डो¥याउन नसक्ने बताउनुभयो । ‘सामाजिक सञ्जालको पपुलरिजमले जनताको समस्या र आवश्यकता बुझ्न सक्दैन भन्ने सन्देश जनतामा लैजानुपर्छ,’ उहाँले भन्नुभयो ‘राजनीतिक अस्थिरिता र सामाजिक अराजकतानै विकास र सम्बृद्धिको बाधक हो ।’
हालै सञ्चालन गरिएको पुर्व–पश्चिम जोड्ने मध्यपहाडी लोकमार्ग केन्द्रित अभियान मार्फत पहिचान भएका समस्या र सम्भावनाको विषयलाई राजनीतिक मुद्दा बनाउने पोखरेलले बताउनुभयो।‘पहाडबाट बसाईसराई रोकेर अवसरको सिर्जना गराउनका लागि सरकारलाई सुझाव दिएका छौं,’ उहाँले भन्नुभयो ‘नेपालको मध्य पहाडलाई सम्बृद्धिको आधारशीलाको रुपमा स्थापित गर्न सकिने विश्वास र मान्यता बनाएका छौं।’
निर्माण भएका अन्तराष्ट्रिय विमानस्थल सञ्चालन, राज्यलाई कमजोर बनाउने गतीतिबि नियन्त्रण, उत्तरदक्षिण र पुर्वपश्चिम जोड्ने लोकमार्ग, आधारभूत अस्पताल निर्माण सम्बन्धी दुरगामी योजनालाई महत्व दिदै लगानी र सुरक्षाको वातावरण बनाएर युवा पलायन घटाउन नीति लिन सरकारसँग माग गर्नुभयो ।जनताको आशा र अपेक्षाअनुसार सरकारले काम गर्न नसकेको उहाँले चर्चा गर्नुभयो । ‘गठबन्धन सरकार असफल भइसकेको छ । जनताको आशा र अपेक्षाअनुसार काम नगरेका कारण लोकतन्त्रमाथि नै अनेक शक्तिहरूले षडयन्त्र गर्न थालेका छन्’,उहाँले थप्नुभयो ।
जनतामा आशा जगाउदै उनिहरुको समस्या पहिचान र सम्बोधन गराउदै आगामी चुनावमा एकल बहुमत प्राप्त हुने गरि संगठन निर्माणमा परिचालन हुन नेता कार्यकर्ताहरुलाई पोखरेलले निर्देशन दिनुभयो । सामाजिक न्याय, सुरक्षा र लोककल्याणकारी समतामुलक राज्य अहिलेको आवश्यकता भएको बताउदै एमालेमा शुद्धिकरणसँगै संगठन सुदृढीकरणमा जोड दिएको महासचिव पोखरेलले बताउनुभयो ।दुई दिनसम्म चल्ने अधिवेशनबाट जिल्ला कमिटिको नयाँ नेतृत्व चयन हुनेछ् । अधिवेशनमा वडागत, जनसंगठन, जिल्ला कमिटिका पदाधीकारी र सदस्य सहित ४१९ जना प्रतिनिधिले भाग लिएका एमाले म्याग्दीका अध्यक्ष देवेन्द्र कटुवालले बताउनुभयो ।
अधिवेशनको उद्घाटन अघि बेनी बजारमा नेकपा एमालेका नेता कार्यकर्ताहरुले ¥याली गरेका थिए । एमालेका उपमहासचिव पृथ्वीसुब्बा गुरुङ, गण्डकी प्रदेश ईञ्चार्ज गोकर्ण विष्ट, केन्द्रिय सचिव पद्यमा अर्याल, गण्डकी प्रदेश अध्यक्ष नवराज शर्मा, नेता खगराज अधिकारी, थममाया थापा लगायतका नेताहरुले सम्बोधन गर्नुभएको थियो।
