बेनी ।म्याग्दीमा नयाँ शैक्षिक सत्र सुरु नहुँदै पुस्तक वितरण गर्न थालिएको छ ।नेपाल पुस्तक तथा स्टेशनरी व्यवसायी महासंघ म्याग्दीले जनक शिक्षा सामग्री लिमिटेडको पोखरा बिक्री केन्द्रबाट पुस्तक ल्याएर विद्यालयलाई वितरण गर्न थालेको हो । महासंघका जिल्ला अध्यक्ष नारायण शर्माले बेनीमा बिक्री कक्ष स्थापना गरेर बिहिबारदेखि विद्यालयमा पुस्तक पठाउन थालेको जानकारी दिनुभयो ।
भिडिओ हेर्नुहोस्…
म्याग्दीका २८ जना पुस्तक व्यवसायीहरुले बेनीमा संयुक्त रुपमा पुस्तक बिक्री कक्ष स्थापना गरेका छन् । यस वर्ष म्याग्दीमा एक करोड रुपैयाँ मूल्य बराबरको पुस्तक भित्रिएको महासंघका सचिव ध्रुबराज सुवेदीले बताउनुभयो ।उहाँका अनुसार, शिक्षा विकास तथा समन्वय इकाई र स्थानीय तहका शिक्षा शाखाको तथ्याङ्कका आधारमा प्रतिकक्षा एक हजार दुई सय सेटको दरले पुस्तक आयात गरिएको छ ।
शैक्षिक सत्र सकिदाँसम्म पनि विद्यार्थीले पुस्तक नपाउने समस्या पछिल्लो दुई वर्षयता हटेको छ ।बेनी नगरपालिकाका शिक्षा अधिकृत कमल ढकालले समयमै पुस्तक खरिद र वितरणको ब्यवस्था मिलाउन विद्यालयको खातामा फागुन महिनामै पुस्तकको रकम निकाशा गरिएको बताउनुभयो । कार्यक्रममा ,लिलाराम गौतम, पत्रकार महासंघ म्याग्दीका अध्यक्ष हरिकृष्ण गौतम ,निवर्तमान अध्यक्ष नवराज पौडेल लगातले व्यवसायीहरुको सामुहिक एकताले पाठ्यपुस्तक शैक्षिक सत्र अगावै विद्यालयमा पु¥याएर प्रशंसनीय काम गरेको बताउनुभयो ।
